O‘zbеkiston Rеspublikаsi Ichki ishlаr vаzirligi

Yigʻilishni JIED Tibbiyot boʻlimi boshligʻi kirish soʻzi bilan ochib JIEKlar, TH va MKlarni kunlik ishni tashkillashtirish boʻyicha axborotlari tinglandi.

Yigʻilishda manzil-koloniyada tibbiy faoliyatni 4 yoʻnalishda tizimli ravishda tashkillashtirish boʻyicha yaʼni, sanitariya-gigiyena holati, mahkumlarni ambulator va statsionar sharoitda davolanishi, kontr obyektlarda tibbiy yoʻnalishni tashkil etish, JIED Tibbiyot boʻlimi bilan axborot almashinuvini toʻgʻri yoʻlga qoʻyish mexanizmlari tibbiyot xodimlariga bosqichma-bosqich tushuntirilib, ijrosi yuzasidan chora-tadbirlar belgilab olindi.

Manzil koloniya shartnoma obyektlarida ishlayotgan mahkumlarni sogʻligʻini doimiy nazorat qilish, sanitariya va epidemiyaga qarshi chora-tadbirlarni samarali tashkil etish, tibbiyotni mahkumlarga yaqinlashtirish maqsadida shartnoma obyektiga yaqin boʻlgan hududiy Sogʻliqni saqlash tizimiga qarashli poliklinika bilan hamkorlikda memorandum tuzish yuzasidan topshiriqlar berildi.

Kunning ikkinchi yarmida yigʻilishda ishtirok etgan tibbiyot xodimlariga manzil-koloniya hududi va binolari tanishtirildi va xizmat olib borayotgan xodimlar bilan suhbatlashildi.

42-son manzil-koloniyada jazo muddatini oʻtayotgan maxsus kontingentga yaratilgan shart-sharoitlar, uchrashuv xonalari tikuv sexi, sartaroshxonani jihozlanishi sanitariya-gigiyenik holati oʻrganildi.

Manzil-koloniyada jazo oʻtayotgan maxsus kontingentga “Barqaror hayot xalqaro ijtimoiy maʼrifat markazi” tashkiloti tomonidan turli kasblarni oʻrgatish (sartaroshlik, tikuvchilik) boʻyicha samarali ishlar olib borilayotganligi, mahkumlar tomonidan ishlab chiqarilayotgan mahsulotlar tibbiyot xodimlariga iliq taassurot qoldirdi.

Yigʻilishda ishtirok etgan tibbiyot xodimlari tomonidan faoliyat samaradorligini yanada yaxshilash taklif va mulohazalar bildirildi.

IIV huzuridagi Jazoni ijro etish departamenti Axborot xizmati