IIV huzuridagi Jazoni ijro etish departamenti ichki ishlar organlarida xizmat qilishni xohlovchilarni taklif etadi
2024-01-10 10:00:00 / Yangiliklar
Oʻzbekiston Respublikasi IIV huzuridagi Jazoni ijro etish departamenti tizimlaridagi boʻsh boʻlgan serjantlik lavozimlariga Oʻzbekiston Respublikasi Prezidentining 2021-yil 15-apreldagi PQ-5076-son “Ichki ishlar organlari uchun professional kadrlarni tayyorlashning sifat jihatdan yangi tizimini joriy etish boʻyicha chora-tadbirlari toʻgʻrisida”gi qaroriga muvofiq Oʻzbekiston Respublikasi IIV Malaka oshirish institutining kasbiy tayyorgarlik fakulteti orqali ichki ishlar organlariga qabul qilish uchun tanlov eʼlon qiladi.
Oʻzbekiston Respublikasi IIV huzuridagi Jazoni ijro etish departamenti tasarrufidagi Jazoni ijro etish koloniyalar, Manzil-koloniyalar hamda Tergov hibsxonalarida boʻsh boʻlgan serjantlik lavozimlar boʻyicha qabul qilinadi.
Tanlovda ishtirok etmoqchi boʻlgan fuqarolar (erkak) 2023-yilning 20-dekabr kunidan 2024-yil 20-yanvar kuniga qadar soat 09.00 dan 17.00 gacha Oʻzbekiston Respublikasi IIV huzuridagi Jazoni ijro etish departamentiga ilovada koʻrsatilgan namunadagi (quyida ilova qilingan) hujjatlarni asli hamda nusxalarini koʻrsatgan holda murojaat etishlari mumkin:
1. Fuqarolik pasporti;
2. Harbiy guvohnoma;
3. Oliy taʼlim muassasasini (gumanitar fanlar, axborot texnologiyalari, qishloq xoʻjaligi yoʻnalishi boʻyicha) yakunlaganligini tasdiqlovchi hujjat (diplom);
4. Doimiy yashash joyi boʻyicha roʻyxatga olingan joydan belgilangan namunadagi sogʻligʻining holati haqida maʼlumotnoma (boʻy parametri koʻrsatilgan holda, 086-forma).
Nomzodlarga qoʻyilgan talablar:
- Oʻzbekiston Respublikasi fuqarosi boʻlishi;
- Oliy taʼlim muassasasini yakunlaganligini tasdiqlovchi hujjat (diplom);
- erkak (oʻgʻil bola) boʻlishi;
- yoshi 18 yoshdan kichik va 30 yoshdan katta boʻlmagan Oʻzbekiston Respublikasi fuqarolari boʻlishi;
- boʻyi 165 sm va undan yuqori boʻlishi;
- Qurolli Kuchlar safida muddatli harbiy xizmatni yoki safarbarlik chaqiruvi rezervidagi harbiy xizmatni oʻtagan boʻlishi.
Belgilangan kunlardan (2023-yil 20-dekabr kunidan 2024-yil 20-yanvar) oldin yoki keyin murojaat etgan fuqarolar nomzodlar roʻyxatiga kiritilmaydi.
Murojaat uchun telefon: 71-231-53-91
Manzil: Toshkent viloyati, Zangiota tumani, Bogʻzor qoʻrgʻoni Oʻzbekiston Respublikasi IIV huzuridagi Jazoni ijro etish departamenti binosi.