Surxondaryo viloyati Muzrabot tuman IIBda voleybol federatsiyasi yigʻilishi boʻlib oʻtdi
2025-04-22 12:05:00 / Yangiliklar
Soʻnggi yillarda mamlakatimizda sportni ommalashtirish, yoshlarni sport bilan shugʻullanishlari uchun barcha sharoitlarni yaxshilash masalasi davlat siyosati darajasiga koʻtarildi.
Mazkur tizimli ishlarning uzviy davomi Muzrabot tuman IIBda sportchi oʻqituvchi va yoshlar bilan yigʻilish tashkil etildi. Yigʻilishni tuman IIB boshligʻi kirish soʻzi bilan ochib, voleybol sport turini rivojlantirish borasida amalga oshirilayotgan ishlar natijasida mamlakatimiz nufuzli musobaqalariga mezbonlik qilayotganligi, eng muhimi voleybol xalqimiz orasida ommalashib borayotganligi eʼtirof etildi.
Shundan soʻng Muzrabot tuman hokimining yoshlar masalalari boʻyicha oʻrinbosari F.Rahmonov, Muzrabot tumani sport maktabi direktori S.Rahmonova, Muzrabot tumani voleybol federatsiyasi ijrochi direktori O.Joʻrayevlarning maʼruzalari tinglandi.
Shuningdek, mazkur tadbir davomida Oʻzbekiston Respublikasi Prezidentining 2022-yil 11-apreldagi “Mahallalarda istiqomat qiluvchi yoshlarni ommaviy sportga keng jalb qilishni yangi bosqichga olib chiqish chora-tadbirlari toʻgʻrisida”gi PQ-201-son qarori ijrosini taʼminlash maqsadida “Besh tashabbus olimpiadasi” doirasida oʻtkazilishi rejalashtirilgan sportning voleybol turi boʻyicha “Ichki ishlar vaziri kubogi” musobaqalariga tantanali start berildi.
Yigʻilish soʻngida respublika musobaqalarida faxrli oʻrinni olib kelgan yoshlar esdalik sovgʻalar bilan taqdirlanishdi.
Surxondaryo viloyati IIB Axborot xizmati