Surxondaryo viloyati masʼullari tomonidan Prezident qarori ijrosi yuzasidan oʻrganishlar Qumqoʻrgʻon va Jarqoʻrgʻon tumanlarida davom ettirildi
2025-03-31 10:00:00 / Yangiliklar
Avval xabar qilganimizdek, Surxondaryo viloyati prokuraturasi hamda viloyat Ichki ishlar boshqarmasi tomonidan Prezidentimizning 2025-yil 3-yanvar kunidagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi PQ-1-son qarori ijrosi yuzasidan oʻrganishlar olib borilmoqda. Oʻrganishlarning navbatdagi manzili Qumqoʻrgʻon va Jarqoʻrgʻon tumanlarida davom ettirildi.
Xususan, tuman prokuraturasida tashkil etilgan tuman muvofiqlashtiruvchi shtab va ishchi guruh aʼzolari tomonidan Qaror ijrosi yuzasidan amalga oshirilgan ishlari muhokama qilinib, tuman “Yoʻl xarita”da belgilab berilgan vazifalar ijrosini oʻz vaqtida sifatli ijro etilishini taʼminlash hamda amalga oshirilayotgan ishlar haqqoniyligini kunlik nazorat tartibida oʻrganib borilishi lozimligi taʼkidlandi.
Bundan tashqari, Davlatimiz rahbari raisligida Korrupsiyaga qarshi kurashish yoʻnalishida oʻtkazilgan yigʻilishda berilgan topshiriqlar ijrosi va yoʻl qoʻyilgan kamchiliklar tanqidiy muhokama qilinib, kelgusidagi vazifalar belgilab olindi.
Bu boradagi amaliy ishlar viloyatning boshqa hududlarida ham davom ettirilmoqda.
Surxondaryo viloyati IIB Axborot xizmati