Xorazm viloyati IIB boshligʻi polkovnik Ravshan Sultanxodjayev tomonidan Xonqa tumani Ichki ishlar boʻlimida tezkor yigʻilish oʻtkazildi
2025-01-18 10:50:00 / Yangiliklar
15-yanvar kuni Xonqa tumani Ichki ishlar boʻlimida Xorazm viloyati IIB boshligʻi raisligida tezkor yigʻilish oʻtkazildi.
Yigʻilishda Xonqa tumani IIB boshligʻining oʻrinbosarlari, sohaviy xizmatlar rahbar va masʼul xodimlari ishtirok etdilar.
Yigʻilishda tashkiliy masala koʻrib chiqildi. Xonqa tumani IIB boshligʻi lavozimida ishlab kelgan podpolkovnik Ixtiyor Allaberganov boshqa ishga oʻtishi munosabati bilan uning vazifalarini vaqtinchalik bajarish tuman IIB boshligʻining birinchi oʻrinbosari lavozimida ishlab kelayotgan podpolkovnik Sanjar Matyaqubov zimmasiga yuklatilganligi yigʻilish ishtirokchilari eʼtiboriga yetkazildi.
Tanqidiy ruhda boʻlib oʻtgan yigʻilishda viloyat IIB boshligʻi Xonqa tumani Ichki ishlar boʻlimi tomonidan tuman hududida jinoyat va huquqbuzarliklarning oldini olish, sodir boʻlgan jinoyatlarni fosh etish, shaxsiy tarkib oʻrtasida xizmat va ijro intizomi hamda qonunchilikni mustahkamlash borasida amalga oshirilgan ishlar va yoʻl qoʻyilgan kamchiliklarni muhokama etdi.
Mazkur yoʻnalishlar boʻyicha kamchiliklarga yoʻl qoʻygan masʼul rahbarlarning hisobotlari eshitildi.
Viloyat IIB boshligʻi tomonidan yigʻilishda joriy, 2025-yilda tuman hududida kriminogen vaziyatni barqarorlashtirish boʻyicha huquq-tartibot va nazorat organlari hamda hamkor tashkilotlar oʻrtasida oʻzaro hamkorlikni kuchaytirish, jamoat joylari, aholi gavjum boʻladigan maskanlar, savdo va maishiy xizmat koʻrsatish obyektlari hamda mahallalarga intellektual kuzatuv kameralarini oʻrnatish va yagona kuzatuv markaziga integratsiya qilish boʻyicha olib borilayotgan ishlarni qisqa muddatda yakuniga yetkazish, deviant xulqli oʻsmirlar va ijtimoiy hayotda nostandart vaziyatlar sababli tushkunlikka tushib qolgan ayollarni sogʻlom hayotga qaytarishda “Kelajak sari” va “Men kuchli ayolman” nomi ostida oʻtkazilayotgan ijtimoiy-profilaktik loyihalar imkoniyatlaridan samarali foydalanish boʻyicha topshiriq va koʻrsatmalar berildi.
Yigʻilishda muhokama etilgan masalalar yuzasidan tegishli qarorlar qabul qilindi.
Xorazm viloyati IIB Axborot xizmati