Toshkent shahar IIBBda general-mayor Aziz Tashpulatov boshchiligida yil boshidan amalga oshiriladigan ishlar muhokamasiga bagʻishlangan yigʻilish boʻlib oʻtdi
2025-01-12 10:30:00 / Yangiliklar
Unda bosh boshqarma boshligʻining oʻrinbosarlari, barcha tuman IIO FMB boshliqlari, sohaviy xizmat rahbarlari ishtirok etishdi.
Yigʻilishda 2024-yil yakunlari sarhisob qilindi. Erishilgan yutuqlar taʼkidlanib, yoʻl qoʻyilgan kamchiliklar tanqidiy muhokama qilindi. 2025-yil davomida poytaxt hududida jinoyatchilikni barvaqt oldini olish, huquqbuzarliklar profilaktikasini kuchaytirish, jamoat tartibi va aholi xavfsizligini taʼminlash yuzasidan chora-tadbirlar rejalashtirildi.
Shuningdek, yoshlar orasida giyohvandlik va psixotrop moddalar, kuchli taʼsir qiluvchi dori vositalarining tarqalishiga chek qoʻyish, aholi orasida kiberjinoyatlarni oldini olish borasida dolzarb vazifalar belgilab olindi.
Yigʻilish soʻngida poytaxt IIBB boshligʻi muhokama qilingan masalalar yuzasidan mutasaddilarga tegishli topshiriq va koʻrsatmalar berdi hamda ijrosi yuzasidan muddatlar belgilandi.
Toshkent shahar IIBB Axborot xizmati