IIV Transport va turizm obyektlarida xavfsizlikni taʼminlash departamenti Metropolitenda xavfsizlikni taʼminlash boshqarmasida boʻsh boʻlgan safdorlar tarkibi lavozimlari uchun tanlov eʼlon qilinadi
2024-12-28 10:20:00 / Yangiliklar
Tanlov tadbirlari Oʻzbekiston Respublikasi Prezidentining 2017-yil 29-noyabr kunidagi PQ-3413 son Qarori hamda Ichki ishlar vazirligining 2023-yil 02-noyabr kunidagi 601-sonli buyrugʻi talablari asosida tashkil etiladi.
Xizmatga tanlov asosida, sogʻligʻining holati va jismoniy tayyorgarligi boʻyicha xodimning xizmat majburiyatlarini bajarishga qodir boʻlgan shaxsiy, ishbilarmonlik va kasbiy fazilatlariga ega nomzodlar qabul qilinadi.
Tanlovda ishtirok etish istagini bildirgan nomzodlarga talablar:
- Oʻzbekiston Respublikasi fuqarosi boʻlgan erkaklar va ayollar;
- Harbiy xizmatni oʻtagan (muddatli yoki safarbarlik chaqiruvi rezervida);
- Yoshi 18 yoshdan kichik va 30 yoshdan katta boʻlmagan;
- Boʻyi erkaklar uchun 165 (bir yuz oltmish besh), ayollar uchun 160 (bir yuz oltmish), santimetrdan past boʻlmagan;
- Oliy taʼlim muassasalarini tamomlagan oliy maʼlumotga ega boʻlganlar shuningdek, IIV Akademik litseylari va harbiy akademik litseylar bitiruvchilari hamda Profilaktika inspektorining jamoat tartibini saqlash boʻyicha yordamchilari;
Arizalar KB.IIV.UZ sayti orqali faqat onlayn tarzda joriy yilning 2024-yil 21-dekabrdan 2025-yil 20-yanvar kuniga qadar qabul qilinadi.
Belgilangan kunlardan oldin yoki keyin murojaat qilgan nomzodlar roʻyxatga olinmaydi.
Bogʻlanish uchun telefon raqami 71-231-48-29