Namangan viloyatida “Besh tashabbus olimpiadasi” doirasida sportning voleybol turi boʻyicha Ichki ishlar vaziri kubogining Respublika bosqichiga start berildi
2024-11-06 20:40:00 / Yangiliklar
Davlatimiz rahbarining 2022 yil 11 apreldagi “Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari toʻgʻrisida”gi PQ-201-son Qarori ijrosini taʼminlash va aholi oʻrtasida sogʻlom turmush tarzini shakllantirish maqsadida sport musobaqalari oʻtkazilib kelinmoqda.
Bugun Yangi Namangan tumanida joylashgan “Pahlavon” sport majmuasida qizlar oʻrtasidagi voleybol musobaqasining “A” liga boʻyicha Respublika bosqichining ochilish marosimi boʻlib oʻtdi.
Marosimda Namangan viloyati hokimi Shavkatjon Abdurazzoqov, Ichki ishlar boshqarmasi boshligʻi polkovnik Shuxrat Aliyev, sport vaziri maslahatchisi Sharifjon Moʻminjonov, Voleybol federatsiyasi rahbari oʻrinbosari Jamshid Fayziyev, Respublika yoshlar ishlari agentligi direktori birinchi oʻrinbosari Dilnoza Kattaxanova, Milliy Gvardiya boshqarmasi boshligʻi polkovnik Xamidulla Mamatovlar ishtirok etib, mamlakatimizning barcha hududlaridan kelgan sportchi ayol va qizlarga ushbu musobaqada omad tiladilar.
Shundan soʻng jamoalar qura tashlash natijalariga koʻra bahslarga kirishishdi.
Namangan viloyati IIB Axborot xizmati