Qashqadaryo viloyati Qarshi shahar Bolalar musiqa va sanʼat maktabida “Ayollar jinoyatchiligini oldini olish metodikasi” mavzusida profilaktik tadbir boʻlib oʻtdi
2024-11-03 09:00:00 / Yangiliklar
Qarshi shahar Bolalar musiqa va sanʼat maktabida “Ayollar jinoyatchiligini oldini olish metodikasi” mavzusida profilaktik tadbir boʻlib oʻtdi.
Unda IIV Akademiyasi oʻqituvchisi, viloyat IIB Jamoat xavfsizligi xizmati Huquqbuzarliklar profilaktikasi boshqarmasi boshligʻi oʻrinbosari, Qarshi shahar hokimining oʻrinbosari, IIO FMB Jamoat xavfsizligi xizmati Xotin qizlar masalalari boʻyicha katta inspektori va Probatsiya xizmati xodimlari hamda shahar Probatsiya nazoratdagi xotin-qizlar ishtirok etishdi.
Tadbirda soʻz olganlar jamiyatda xotin-qizlarni ularni huquqiy bilimi va dunyoqarashi, faolligini oshirish,tazyiq va zoʻravonlikdan himoya qilish, oilalarda er-xotin, qaynona-kelin oʻrtasida sodir etilgan nizolarni bartaraf etishda oilaviy qadriyatlardan samarali foydalanib, jinoyatlarni kamaytirish boʻyicha taklif va mulohazalarni oʻrtaga tashlashdi.
Soʻngra, probatsiya nazoratidagi xotin-qizlar bilan psixologik soʻrovnoma oʻtkazildi.
Savol-javoblar asosida kechgan tadbir ishtirokchilarning huquqiy bilimi va malakasini boyitdi.
Yakunda ishtirokchilarga “Tinchlik qadri” nomli Vatanparvarlik ruhidagi va Qarshi shahar “Osmon guli“ MCHJdagi boʻsh ish oʻrinlari va ishchilarga yaratilgan shart-sharoitlar aks etgan videofilm namoyish etildi.
Qashqadaryo viloyati IIB Axborot xizmati