Poytaxtimizning Mirzo Uluğbek tumanida jinoyatçilikka qarşi kuraşiş va jamoat xavfsizligini taʼminlaş çoralari belgilab olindi
2026-11-21 09:45:00 / Yangiliklar

IIV akademiyasi boşliği Rustam Xatamov poytaxtimizning Mirzo Uluğbek tumanidagi “Nobirabegim” mahallasida aholi uçun yaratilgan xavfsiz şaroitlar bilan tanişdi.
Manzilli örganiş davomida jinoyatçilikni jilovlaş, hududlarni kameralaştiriş va qöriqlovga oliş, jamoat xavfsizligini taʼminlaş borasida amalga oşirilayotgan işlar muhokama qilindi.
Akademiya boşliği masʼullar, “mahalla yettiligi” vakillari va faollar bilan muloqot qilib, kriminogen vaziyatga salbiy taʼsir körsatayotgan omillar, “102” tizimiga kelib tuşayotgan murojaatlar, profilaktika işlari natijadorligi, aholini qiynayotgan muammolar yuzasidan fikr almaşdi.
Taʼkidlanganidek, joriy yilning 10 oyi davomida mahalla hududida giyohvandlik vositalari, psixotrop va kuçli taʼsir qiluvçi moddalar bilan boğliq jinoyatlar köp qayd etilgan. Bunday holatlarga barham beriş uçun xavf guruhiga kiruvçi şaxslar bilan profilaktik işlarni kuçaytiriş, oilalardagi muhitni soğlomlaştiriş, yoşlarning huquqiy ongini yuksaltiriş, ularni zararli illatlar taʼsiridan asraş zarurligi aytib ötildi.
Yiğilişda sodir etilgan jinoyatlarning sabab va şaroitlari ham muhokama qilindi. Akademiya boşliği kriminogen vaziyatni tahlil qilib boriş, xavfsizlik çoralarini kuçaytiriş, çaqiruvlarga zudlik bilan munosabat bildiriş, ijtimoiy profilaktikani töğri taşkillaştiriş orqali fuqarolar osoyiştaligini taʼminlaş, kriminogen vaziyatni barqarorlaştiriş borasida masʼullarga topşiriq berdi.
Muhokama yakunida mahallada xavfsiz muhitni yaratiş, jinoyatçilikka barham beriş, yoşlar nazoratsizligining oldini oliş, aholi örtasida taʼsirçan profilaktik çoralarni amalga oşiriş, jamoat xavfsizligiga tahdid soluvçi holatlarni barvaqt aniqlaş va bartaraf etişga qaratilgan muhim vazifalar belgilab olindi.
IIV akademiyasi Axborot xizmati






