Yoʻllarda harakat xavfsizligini taʼminlash, fuqarolarni turli baxtsiz hodisalardan muhofaza qilish YPX inspektorlarining funksional vazifasi sanaladi. Shunday ekan ham bir xodim xizmatni boshlashidan oldin qonunchilik, xizmat intizomiga rioya etish majburiyatini anglab yetmogʻi lozim.

IIV JXD YHX xizmati boshligʻi polkovnik Sh.Ibragimov Toshkent shahar IIBB JXX Yoʻl harakati xavfsizligi boshqarmasiga qarashli Yoʻl-patrul xizmati brigadasiga tashrif buyurib, kunlik xizmatga jalb etilgan xodimlar bilan uchrashdi.

Xizmat boshligʻi tomonidan uchrashuv davomida xodimlarga yurtga va kasbga sadoqatini namoyon etgan holda xizmatni oʻtash, tamagirlik, poraxoʻrlik singari taraqqiyot kushandasi boʻlgan illatlardan yiroq boʻlish borasida koʻrsatmalar berib oʻtildi.

Eng asosiysi, avtohalokatlarning oldini olish yoʻlida sidqidildan xizmat qilish, qoidabuzarliklarga nisbatan qonun ustuvorligini taʼminlash, “Vatanga va xalqqa sadoqat bilan xizmat qilish oliy burchimiz!” konseptual gʻoyasi bilan yashash lozimligi taʼkidlandi.

IIV Yoʻl harakati xavfsizligi xizmati Axborot xizmati