Namangan viloyati IIB rahbariyati tomonidan Yangiqörğon va Davlatobod tumanlari IIB binolarida taʼmirlaş işlari jarayoni örganildi
2026-11-13 09:00:00 / Yangiliklar
Fuqarolar va jamoat xavfsizligini taʼminlaş, jinoyatçilikning oldini oliş hamda mahallalarda xavfsiz muhitni şakllantiriş yölida içki işlar organlari xodimlari tomonidan tunu kun xizmat olib borilmoqda.
Bu jarayonda xodimlar uçun munosib xizmat şaroitlarini yaratiş, fuqarolar murojaatlari bilan işlaşda qulayliklarni taʼminlaş hamda bölimlarning moddiy-texnik bazasini mustahkamlaş muhim ahamiyatga ega.
Şu maqsadda Namangan viloyati IIB boşliği quruvçi mutaxassislar iştirokida Yangiqörğon va Davlatobod tumanlari içki işlar bölimlari binolarida olib borilayotgan mukammal taʼmirlaş işlarini közdan keçirdi.
Taʼmirlaş jarayonining sifati, belgilangan işlar kölami va muddatlariga rioya etilişi, xonalar hamda xizmat hududlarining zamonaviy talablarga mos ravişda jihozlanişi örganildi.
Örganiş davomida masʼullarga quriliş-taʼmirlaş işlarini sifatli va belgilangan muddatlarda yakunlaş, mehnat va yonğin xavfsizligi qoidalariga qatʼiy rioya etiş, fuqarolar uçun qulay qabul va xizmat körsatiş şaroitlarini yaratiş, xodimlarning samarali faoliyat olib borişi uçun zarur şaroitlarni taʼminlaş böyiça aniq topşiriqlar berildi.
Şuningdek, binolarning içki va taşqi körinişi, muhandislik-kommunikatsiya tizimlari hamda xizmat xonalarining jihozlanişiga alohida eʼtibor qaratiş vazifasi yuklatildi.
Namangan viloyati IIB Axborot xizmati