Özbеkiston Rеspublikаsi Içki işlаr vаzirligi

Toşkent şahrida Özbekiston va Tojikiston içki işlar organlari örtasidagi hamkorlikni yanada mustahkamlaş, transmilliy jinoyatçilikka qarşi kuraşiş samaradorligini oşiriş hamda tezkor axborot almaşinuvini rivojlantiriş masalalariga bağişlangan navbatdagi idoralararo uçraşuv bölib ötdi.

Unda ikki davlat Idoralararo hamkorlikni muvofiqlaştiruvçi işçi guruhi aʼzolari, şuningdek, çegaraböyi hududlaridagi içki işlar organlari rahbarlari iştirok etdilar.

Muloqot davomida qidiruv faoliyati, transmilliy uyuşgan jinoyatçilik, terrorizm va ekstremizmga qarşi kuraşiş, şuningdek, jinoyat işlari böyiça huquqiy yordam körsatiş va tergov harakatlarini muvofiqlaştiriş sohalaridagi hamkorlikning bugungi holati va istiqbollari muhokama qilindi. Şu bilan birga, giyohvandlik vositalari, psixotrop moddalar va ularning prekursorlari noqonuniy aylanmasiga qarşi kuraşiş, sud-ekspertlik faoliyatida tajriba almaşiş, axborot-kommunikatsiya texnologiyalari hamda virtual aktivlardan foydalangan holda sodir etilayotgan firibgarlik jinoyatlarining oldini oliş borasidagi hamkorlikni kuçaytiriş masalalariga alohida eʼtibor qaratildi.

Ayniqsa, raqamli texnologiyalar rivojlanişi bilan jinoyatçilikning yangi şakllari paydo bölayotgani, ularning aksariyati davlat çegaralaridan taşqarida taşkil etilişi mumkinligi inobatga olinib, bunday huquqbuzarliklarga qarşi kuraşişda tezkor hamkorlik va muvofiqlaştirilgan harakatlarning ahamiyati qayd etildi.

Muzokaralar yakunida idoralararo hamkorlikni yanada rivojlantiriş va amaliy aloqalarni mustahkamlaşga qaratilgan yiğiliş bayonnomasi imzolandi. Mazkur hujjat ikki mamlakat içki işlar organlari örtasidagi özaro işonç va hamjihatlikni mustahkamlaş, belgilangan vazifalar ijrosini taʼminlaş hamda hamkorlikni yangi bosqiçga olib çiqişga xizmat qiladi.

Taşrif doirasida xorijlik hamkorlar Özbekiston Respublikasi Içki işlar vazirligi faoliyati bilan ham yaqindan tanişdilar. Ularga vazirlik tizimida amalga oşirilayotgan islohotlar, içki işlar organlarining zamonaviy imkoniyatlari, jamoat xavfsizligini taʼminlaş borasida joriy etilgan yangi yondaşuvlar haqida maʼlumot berildi. Şuningdek, zamonaviy maxsus texnika va vositalar taqdimoti taşkil etilib, ularning funksional imkoniyatlari namoyiş qilindi.

Mamlakatimizga taşrif dasturi doirasida hamkorlarning Buxoro va Samarqand viloyatlari içki işlar boşqarmalari faoliyati bilan tanişişi ham rejalaştirilgan. Uşbu taşriflar davomida hududlarda jamoat tartibini saqlaş, fuqarolar xavfsizligini taʼminlaş, ayniqsa, turistik obyektlarda xavfsizlik çoralarini taşkil etiş böyiça amalga oşirilayotgan işlar yuzasidan batafsil maʼlumot berilişi közda tutilgan.

Umuman, mazkur uçraşuv Özbekiston va Tojikiston içki işlar organlari örtasidagi amaliy hamkorlikni mustahkamlaş, umumiy tahdidlarga qarşi kuraşişda saʼy-harakatlarni birlaştiriş hamda mintaqaviy xavfsizlikni taʼminlaş yölidagi muhim qadam böldi.