“Xavfsiz va sogʻlom yurt” tezkor-profilaktik tadbirining 3-bosqichi: Andijonda tezkor shtab faoliyati oʻrganilib, ustuvor vazifalar belgilandi
2026-11-03 09:00:00 / Yangiliklar
Mamlakatimizda aholi osoyishtaligini taʼminlash, huquqbuzarliklarning barvaqt oldini olish hamda jinoyatchilikka qarshi kurashish samaradorligini oshirish maqsadida oʻtkazilayotgan “Xavfsiz va sogʻlom yurt” keng qamrovli tezkor-profilaktik tadbirining 3-bosqichi davom etmoqda.
Oʻzbekiston Respublikasi Ichki ishlar vazirligi Jamoat xavfsizligi departamenti rahbariyati tomonidan boshqarmaning maʼmuriy binosida tashkil etilgan tezkor shtab faoliyati, undagi kuch va vositalarning taqsimoti, tuzilmalar oʻrtasidagi hamkorlik hamda hududlardan kelib tushayotgan maʼlumotlarning tahlil qilinish jarayoni atroflicha koʻzdan kechirildi.
Shuningdek, videokonferensaloqa shaklida oʻtkazilgan yigʻilishda viloyatning barcha shahar va tumanlarida tashkil etilgan tezkor shtablardagi masʼul rahbarlar hamda sohaviy xizmat xodimlari ishtirok etdi.
Yigʻilishda “Xavfsiz va sogʻlom yurt” tezkor-profilaktik tadbirining 3-bosqichi doirasida amalga oshirilishi lozim boʻlgan ustuvor yoʻnalishlar belgilab berildi.
IIV Jamoat xavfsizligi departamenti Axborot xizmati