Navoiy viloyati IIB rahbariyati tomonidan viloyat Kengashi sessiyasida jamoat xavfsizligini taʼminlash va jinoyatchilikka qarshi kurashish borasida amalga oshirilayotgan ishlar yuzasidan axborot berildi
2026-11-02 20:50:00 / Yangiliklar
Unda viloyatda qonuniylik va huquq-tartibotni mustahkamlash, huquqbuzarliklarning oldini olish, sodir etilgan jinoyatlarni fosh etish borasida erishilgan natijalar va yoʻl qoʻyilgan kamchiliklar, shuningdek, istiqboldagi ustuvor vazifalar xususida soʻz yuritildi. Shuningdek, yoshlar oʻrtasida giyohvandlik va psixotrop moddalar savdosi va isteʼmoli, bu boradagi jinoyatlarni barvaqt jilovlash chora-tadbirlar samaradorligiga ham alohida eʼtibor qaratildi.
Sessiya ishtirokchilariga amalga oshirilgan ishlar, aniqlangan va fosh etilgan jinoyatlar, aholi oʻrtasida fuqarolar xavfsizligini taʼminlashga qaratilgan targʻibot tadbirlari natijalari ham taqdim etildi.
Yakunda kiberjinoyatchilikka qarshi kurashish, fuqarolarning huquqiy va moliyaviy savodxonligini oshirish hamda jinoyatchilikning barvaqt oldini olish, "APK Qoʻriqchi" ilovasini aholi oʻrtasida keng targʻib qilish va unga ulanishni tashkil etish borasida amalga oshirilishi zarur boʻlgan chora-tadbirlar belgilab olindi.
Navoiy viloyati IIB axborot xizmati