Samarqand viloyati IIBda 25-oktabr – Ichki ishlar organlari xodimlari kuni munosabati bilan tantanali tadbir boʻlib oʻtdi
2026-10-27 11:15:00 / Yangiliklar
Tadbirni viloyat hokimi Adiz Boboyev ochib, davlatimiz rahbari Shavkat Miromonovich Mirziyoyevning tizim xodimlari va faxriylariga yoʻllagan bayram tabrigini oʻqib eshittirdi va barchani bayram bilan tabrikladi.
Tantanali tadbirda soʻzga chiqqan viloyat huquqni muhofaza qilish organlari rahbarlari yigʻilganlarni Ichki ishlar organlari tashkil etilganligining 35 yilligi bilan qutlab, xodimlarga mashaqqatli, shu bilan birga sharafli kasbida ulkan muvaffaqiyatlar tiladi.
Bayram tadbirida bir guruh xodimlar Ichki ishlar vazirligi va boshqa vazirlik hamda idoralarning mukofotlari bilan taqdirlandilar.
Mukofotlarni topshirish marosimida Oʻzbekiston Respublikasi Prezidentining farmoniga asosan viloyat Ichki ishlar organlari xodimlarining bir guruhi davlat mukofoti bilan taqdirlangani alohida eʼtirof etildi.
Shuningdek, Ichki ishlar vazirligi tomonidan mukofotlangan xodimlarga ragʻbatlantirish tariqasida maxsus unvonlar, 1-2-3-darajali «Benuqson xizmatlari uchun», «Aʼlo xizmatlari uchun» koʻkrak nishonlari, «Faxriy yorliq» hamda «Esdalik qoʻl soati» tantanali topshirildi.
Mukofotlarni topshirish jarayonida xodimlarning xizmatdagi samarali faoliyati va erishilayotgan natijalar shaxsiy tarkibga oʻrnak boʻlishi, har bir xodim shunday mukofotlarga loyiq ekanligi taʼkidlandi.
Samarqand viloyati IIB Axborot xizmati