Qashqadaryo viloyatida IIV JXD YHXX boshligʻi polkovnik Sh.Ibragimov, viloyat IIB rahbariyati hamda Avtomobil yoʻllari hududiy boshqarmasi masʼullari ishtirokida videoselektor yigʻilishi boʻlib oʻtdi.

Yigʻilishda Ichki ishlar vazirining tegishli buyrugʻi bilan viloyat Yoʻl harakati xavfsizligi boshqarmasi boshligʻi lavozimiga tayinlangan podpolkovnik I.Idirov masʼullar hamda xodimlarga tanishtirildi.

Shundan soʻng, YHXX rahbari polkovnik Sh.Ibragimovning sayyor qabuli tashkil etilib, yoʻl harakati xavfsizligini taʼminlash bilan bogʻliq masalalar yuzasidan fuqarolarning murojaatlari oʻrganildi.

Qoʻshimcha oʻrganishlar talab etmaydigan murojaatlar oʻsha joyning oʻzida hal etilgan boʻlsa, qolgan murojaatlarni tegishlicha tartibda, belgilangan muddatda koʻrib chiqish hamda hal etish boʻyicha masʼullarga koʻrsatmalar berildi va barcha murojaatlar shaxsan YHXX rahbarining nazoratiga olindi.

Shuningdek, viloyat avtomobil yoʻllarida oʻtgan toʻqqiz oy davomida sodir boʻlgan yoʻl-transport hodisalari hamda kelgusida bunday koʻngilsiz hodisalarning oldini olish boʻyicha rejalar yuzasidan tanqidiy muhokama yigʻilishi ham boʻlib oʻtdi.

IIV JXD Yoʻl harakati xavfsizligi xizmati Axborot xizmati