Fargʻonada voyaga yetmaganlar bilan ishlash boʻyicha profilaktika inspektorlari uchun seminar-trening oʻtkazildi
2026-10-20 16:45:00 / Yangiliklar
Har bir bolaning qalbiga yoʻl topish, uning xulq-atvoridagi oʻzgarishlarni oʻz vaqtida anglash va huquqbuzarliklarning oldini olish katta masʼuliyat va kasbiy mahorat talab etadi.
Fargʻona viloyati IIBda voyaga yetmaganlar masalalari boʻyicha profilaktika inspektorlarining kasbiy bilim va amaliy koʻnikmalarini mustahkamlashga qaratilgan seminar-trening boʻlib oʻtdi.
Unda IIV Jamoat xavfsizligi departamenti Huquqbuzarliklar profilaktikasi xizmati bolalar muassasalari faoliyatini psixologik kuzatish boʻlinmasi mutaxassis-psixologlari ishtirok etib, oʻz tajribalari bilan oʻrtoqlashdilar.
Seminarda bolalar va ularning oilalari bilan profilaktik ishlarni samarali tashkil etish, mavjud muammolarga yechim topish hamda huquqbuzarlik sodir etgan yoki sodir etishga moyil boʻlgan voyaga yetmaganlar bilan individual ishlash usullari muhokama qilindi.
Fargʻona viloyati IIB Axborot xizmati