Buxoro viloyati IIB boshligʻi podpolkovnik Ikromjon Tursunov viloyat 3-sektoriga qarashli Shofirkon tumanida oʻrganish ishlarini olib bordi
2024-10-04 11:20:00 / Yangiliklar
Buxoro viloyati Ichki ishlar boshqarmasi boshligʻi doimiy ravishda hududlarda boʻlib, tumanlar sektor rahbarlari, tegishli masʼullar, mahallalar “yettilik” vakillari shuningdek, aholi bilan bevosita muloqot oʻtkazib, mavjud muammolarni tizimli ravishda hal etib kelmoqda.
Ushbu oʻrganishlar doirasida bugun viloyat 3-sektor rahbari Shofirkon tumanida boʻldi.
Bugungi kunda Shofirkon tumanining eng chekka hududlaridan biri hisoblangan “Shibirgʻon” mahallasida Ichki ishlar boshqarmasi boshligʻi podpolkovnik Ikromjon Tursunovning tashabbusi, tuman sektor rahbarlarining saʼy harakatlari bilan mahalla fuqarolar yigʻinining yangi binosi, uning yonida 100 nafar mahalla xotin-qizlarini doimiy ish bilan taʼminlashga xizmat qiluvchi tikuvchilik sexi hamda ushbu mahalla profilaktika inspektori va uning oila aʼzolari istiqomat qilishi uchun xizmat uyi qurilishi yakuniy bosqichiga yetib kelgan.
Boshqarma boshligʻi ushbu mahallada boʻlib, yangidan qurilgan mahalla binosi, tikuvchilik sexi va profilaktika inspektorining xizmat uyida amalga oshirilgan qurilish, obodonlashtirish ishlari bilan yaqindan tanishdi.
Shundan soʻng, viloyat 3-sektor rahbari Ikromjon Tursunov Shofirkon tumanida paxta-yigʻim terimi mavsumida terimchilarga yaratilgan sharoitlar, xavfsizlik choralarining koʻrilgani, terim pullarining oʻz vaqtida berilishi yuzasidan oʻrganishlar olib bordi.
Shuningdek, oʻrganishlar davomida paxta terimi mavsumida hosilni payhon va talon-taroj qilinishini oldini olish, paxtani tashishga moʻljallangan transport vositalari va tirkamalar, terim otryadlarini uyushqoqlik bilan koʻchirishda foydalanilayotgan avtobuslarning texnik xavfsizligini taʼminlash yuzasidan masʼullarga aniq vazifa hamda topshiriqlar berildi.
Buxoro viloyati IIB Axborot xizmati