Namangan viloyatida voyaga yetmaganlar masalalari boʻyicha inspektor-psixologlar uchun seminar-trening oʻtkazildi
2026-10-19 09:00:00 / Yangiliklar
Namangan viloyati IIB JXX binosida IIV Jamoat xavfsizligi departamenti Huquqbuzarliklar profilaktikasi xizmati bolalar muassasalari faoliyatini psixologik kuzatish boʻlinmasi mutaxassis-psixologlari ishtirokida viloyat hududida faoliyat yurituvchi voyaga yetmaganlar masalalari boʻyicha inspektor-psixologlarning kasbiy bilim va koʻnikmalarini yanada oshirish yuzasidan seminar-trening tashkil etildi.
Unda xodimlarning bolalar va ularning oilalari bilan olib borayotgan profilaktik ishlarida yuzaga kelayotgan muammolar, ularni bartaraf etish yoʻllari, jinoyat sodir etgan va jinoyat sodir etishga moyil boʻlgan voyaga yetmaganlar bilan ishlash usullari yuzasidan batafsil maʼlumotlar berildi.
Shuningdek, voyaga yetmaganlar bilan individual ishlash, ularning xulq-atvoridagi salbiy oʻzgarishlarni erta aniqlash hamda huquqbuzarliklarning oldini olishda psixologik yondashuvning ahamiyatiga alohida eʼtibor qaratildi.
Namangan viloyati IIB Axborot xizmati