Kadrlar bilan ishlash va xizmat intizomini mustahkamlash masalalari muhokama qilindi
2026-10-17 08:45:00 / Yangiliklar
Ichki ishlar vaziri oʻrinbosari, polkovnik Diyorbek Sattarov boshchiligida kadrlar bilan ishlash yoʻnalishidagi vazifalar muhokamasiga bagʻishlangan videoselektor yigʻilishi oʻtkazildi.
Unda kadrlarni tanlash va joy-joyiga qoʻyish, xodimlarning kasbiy, maʼnaviy-maʼrifiy, jismoniy va jangovar tayyorgarligini oshirish, xizmat intizomini mustahkamlash hamda qonunchilik talablariga qatʼiy rioya etish masalalari koʻrib chiqildi. Shuningdek, shaxsiy tarkib salomatligini mustahkamlashga eʼtibor qaratildi.
Jamoalarda sogʻlom maʼnaviy-ruhiy muhitni taʼminlash, xodimlar bilan manzilli ishlash va rahbarlarning shaxsiy masʼuliyatini oshirish masalalari muhokama qilindi.
Xodimlarda xizmat burchiga sadoqat, milliy gʻurur va kasbidan faxrlanish tuygʻularini yuksaltirish, fuqarolar bilan muloqot madaniyatini oshirish yuzasidan ustuvor vazifalar belgilandi.