Namangan viloyatida kriminogen vaziyatni yaxshilash boʻyicha amaliy choralar belgilandi
2026-10-16 09:00:00 / Yangiliklar
Oʻzbekiston Respublikasi Ichki ishlar vazirining birinchi oʻrinbosari — Jamoat xavfsizligi departamenti boshligʻi, polkovnik Timur Ismailov amaliy tashrif bilan Namangan viloyatida boʻldi.
Tashrif davomida Namangan shahridagi Obihayot MFY, Pop tumanidagi Qoʻshminor MFY, Chust tumanidagi Kamarsada MFY hamda Davlatobod tumanidagi Toʻquvchi mahallasida kriminogen vaziyatni barqarorlashtirish, jinoyatchilik va huquqbuzarliklarning oldini olish borasida amalga oshirilayotgan ishlar atroflicha oʻrganildi.
Shuningdek, hududlarda «mahalla yettiligi» faoliyati, profilaktik tadbirlarni samarali tashkil etish, mavjud muammolarni aniqlash va bartaraf etish, shuningdek, ichki ishlar organlari hamda boshqa hamkor tashkilotlar oʻrtasidagi hamkorlik holati tahlil qilindi.
Oʻrganishlar yakunida Namangan viloyati Ichki ishlar boshqarmasi rahbar va xodimlari ishtirokida viloyat hududida kriminogen vaziyatni yanada yaxshilash, jinoyatchilik va huquqbuzarliklarning oldini olish samaradorligini oshirish boʻyicha muhokama yigʻilishi oʻtkazildi.
Yigʻilishda aniqlangan kamchiliklarni bartaraf etish, profilaktik ishlarni kuchaytirish hamda hududlarda xavfsiz va osoyishta muhitni taʼminlashga qaratilgan ustuvor vazifalar belgilab olindi.
IIV JXD Axborot xizmati