IIV rahbariyati tomonidan Jizzax viloyati IIBning 9 oylik faoliyati sarhisob qilinib, ustuvor vazifalar belgilandi
2026-10-15 16:40:00 / Yangiliklar
Ichki ishlar vaziri oʻrinbosari, polkovnik Diyorbek Sattarov rahbarligida Jizzax viloyati IIBda yigʻilish oʻtkazildi. Unda jamoat xavfsizligini taʼminlash, jinoyat va huquqbuzarliklarning barvaqt oldini olish, kriminogen vaziyat barqarorligini saqlash, aholi bilan manzilli ishlash hamda xizmat intizomi va qonuniylikni mustahkamlash borasidagi ishlar tanqidiy-tahliliy koʻrib chiqildi.
Aniqlangan kamchiliklarni bartaraf etish, profilaktik tadbirlar samaradorligini oshirish va fuqarolar murojaatlari bilan ishlashni kuchaytirish yuzasidan masʼullarga aniq vazifalar belgilandi.
Tashrif davomida vazir oʻrinbosari Jizzax viloyati IIB Tezkor boshqaruv markazi faoliyati bilan ham tanishdi. Markazning zamonaviy monitoring tizimi, “Qalqon” platformasiga integratsiya qilingan videokuzatuv kameralari hamda operativ vaziyatni real vaqt rejimida kuzatish imkoniyatlari koʻzdan kechirildi.