IIV rahbariyati tomonidan Qoraqalpogʻiston Respublikasida joriy yilning 9 oyi davomida jinoyatchilik ahvoli, huquqbuzarliklarning oldini olish hamda jamoat xavfsizligini taʼminlash borasida amalga oshirilgan ishlar sarhisob qilindi
2026-10-13 10:10:00 / Yangiliklar
IIV vazirining oʻrinbosari, general-mayor Baxodir Mirzaraximov ishtirokida Qoraqalpogʻiston Respublikasida joriy yilning 9 oyi davomida jinoyatchilik ahvoli, huquqbuzarliklarning oldini olish hamda jamoat xavfsizligini taʼminlash borasida amalga oshirilgan ishlar sarhisob qilindi.
Yigʻilishda hisobot davrida hududda kriminogen vaziyatni barqarorlashtirish, jinoyat va huquqbuzarliklarning barvaqt oldini olish, fuqarolarning huquq va qonuniy manfaatlarini himoya qilish, shuningdek, jamoat tartibini saqlash yoʻnalishlarida olib borilgan ishlar muhokama qilindi.
Shuningdek, jinoyatchilikka sabab boʻlayotgan omillarni aniqlash va bartaraf etish, profilaktika ishlarining samaradorligini oshirish, mahallalarda xavfsiz muhitni shakllantirish hamda huquqbuzarliklarning oldini olishda masʼul idoralar hamkorligini yanada mustahkamlash masalalariga eʼtibor qaratildi.
Muhokamalar davomida mavjud muammolarni bartaraf etish, xizmat faoliyati samaradorligini oshirish, fuqarolar bilan manzilli profilaktik ishlarni kuchaytirish va jamoat xavfsizligini taʼminlash borasidagi vazifalar belgilab olindi.
Taʼkidlanganidek, jinoyatchilikning oldini olish, huquqbuzarliklarga qarshi kurashish va aholi osoyishtaligini taʼminlashda har bir rahbar va masʼul xodimning shaxsiy masʼuliyatini oshirish, shuningdek, profilaktik chora-tadbirlarning natijadorligini taʼminlash muhim ahamiyat kasb etadi.
Yigʻilish yakunida belgilangan vazifalar ijrosini taʼminlash, hududda jinoyatchilikning oldini olish va jamoat xavfsizligini mustahkamlashga qaratilgan chora-tadbirlarni izchil davom ettirish yuzasidan tegishli topshiriqlar berildi.
Transport va turizm obyektlarida xavfsizlikni taʼminlash Departamenti Axborot guruhi