IIV Jamoat xavfsizligi departamenti Yoʻl harakati xavfsizligi xizmati rahbariyati tomonidan Xorazm viloyatida oʻrganish ishlari olib borildi
2026-10-11 22:50:00 / Yangiliklar
IIV JXD Yoʻl harakati xavfsizligi xizmati rahbariyati tomonidan Xorazm viloyatining Urganch tumanida jamoat xavfsizligini taʼminlash, huquqbuzarliklarning oldini olish va yoʻl infratuzilmasini yaxshilash borasida amalga oshirilayotgan ishlar oʻrganildi.
Urganch tumanida oʻtgan 9 oy davomida jamoat tartibi va xavfsizligini taʼminlash, jinoyatchilikka qarshi kurashish hamda kriminogen vaziyatni barqarorlashtirish borasida amalga oshirilgan ishlar va yoʻl qoʻyilgan kamchiliklar IIV JXD Yoʻl harakati xavfsizligi xizmati rahbari boshchiligida tuman hokimligi, viloyat IIB rahbarlari va masʼul idoralar vakillari ishtirokida tanqidiy muhokama qilindi.
Shuningdek, "Qumrovot" mahallasida jinoyatchilikning oldini olish, jamoat xavfsizligini taʼminlash va kuzatuv kameralarini oʻrnatish masalalari yuzasidan masʼullarga topshiriqlar berildi.
Yoʻl infratuzilmasi bilan bogʻliq oʻrganishlarda esa piyodalar va velosipedchilar xavfsizligini taʼminlash, trotuar va veloyoʻlaklar qurish, avariya oʻchoqlarida svetofor oʻrnatish hamda yoʻllarning qarama-qarshi harakat yoʻnalishlarini ajratuvchi nur qaytaruvchi ustunchalar va beton toʻsiqlar oʻrnatish ishlari koʻrib chiqildi.
Aniqlangan muammolarni bartaraf etish va yoʻl harakati xavfsizligini yanada oshirish boʻyicha mutasaddi tashkilotlarga tegishli topshiriq va tavsiyalar berildi.