IIV Malaka oshirish instituti Kasbiy tayyorgarlik fakultetida “Maxsus operatsiyalarni amalga oshirish faoliyati” yoʻnalishi boʻyicha tahsil olgan 147 nafar tinglovchining bitiruv tadbiri boʻlib oʻtdi
2026-10-11 11:30:00 / Yangiliklar
Tadbirda Institut rahbariyati, fakultet professor-oʻqituvchilari, soha faxriylari, tinglovchilar hamda ularning ota-onalari ishtirok etdi.
Oʻquv jarayonida tinglovchilar nazariy bilimlarini mustahkamlash bilan birga, maxsus-taktik harakatlar, murakkab vaziyatlarda toʻgʻri va tezkor qaror qabul qilish hamda xizmat vazifalarini samarali bajarishga qaratilgan amaliy mashgʻulotlarda ishtirok etdilar.
Tadbirda soʻzga chiqqanlar tinglovchilarning oʻqish davomida erishgan natijalarini eʼtirof etib, ularga kelgusi xizmat faoliyatida muvaffaqiyat tiladilar.
Tantanali marosim yakunida oʻquv kursini muvaffaqiyatli tamomlagan 147 nafar tinglovchiga «kichik serjant» maxsus unvoni va diplomlar topshirildi.
Bitiruvchilarga kelgusi xizmat faoliyatida muvaffaqiyatlar tilaymiz!