Jizzax viloyatida xodimlar uchun uy-joylar qurilishi va jamoat xavfsizligini taʼminlash ishlari oʻrganildi
2026-10-09 17:55:00 / Yangiliklar
Jizzax viloyati IIB boshligʻi Sharof Rashidov tumanidagi “Kuyovboshi” MFY hududida ichki ishlar organlari xodimlari uchun barpo etilayotgan yakka tartibdagi uy-joylar hamda Zafarobod tumanida tashkil etilayotgan "24/7 koʻcha"da amalga oshirilayotgan ishlar bilan tanishdi. Oʻrganish jarayonida xonadonlarni elektr energiyasi, tabiiy gaz, ichimlik suvi va oqova tizimlari bilan taʼminlash, hudud infratuzilmasini rivojlantirish, koʻchalarni tungi vaqtda yoritish, jamoat tartibi va fuqarolar xavfsizligini taʼminlash masalalariga alohida eʼtibor qaratildi. Masʼullarga aniq vazifalar yuzasidan tegishli koʻrsatmalar berildi.
Maʼlumot uchun, “Kuyovboshi” MFY hududida jami 104 ta yakka tartibdagi turar joy qurish rejalashtirilgan boʻlib, ularning 56 tasi 2024-yilda xodimlarga topshirilgan. Qolgan 48 ta xonadonni yaqin kunlarda egalariga berish koʻzda tutilgan. Shuningdek, hududga tutash maydonda zamonaviy mehmonxona qurilishi ham davom etmoqda. Mazkur obyektlarni belgilangan muddatlarda foydalanishga topshirish, “24/7 koʻcha”ni esa aholi uchun xavfsiz va qulay maskanga aylantirish yuzasidan masʼullarga tegishli topshiriqlar berildi.
Jizzax viloyati IIB Axborot xizmati