Ichki ishlar vaziriligi rahbariyati boshchiligida Navoiy viloyati ichki ishlar organlarining 9 oylik faoliyati muhokama qilindi
2026-10-08 17:55:00 / Yangiliklar
Ichki ishlar vaziri oʻrinbosari, polkovnik Diyorbek Sattarov rahbarligida Navoiy viloyati ichki ishlar organlarining joriy yilning 9 oyidagi faoliyati va kelgusidagi ustuvor vazifalar muhokama qilindi.
Viloyat IIB rahbariyati, tarkibiy va hududiy boʻlinmalar boshliqlari ishtirokida jamoat xavfsizligi, huquqbuzarliklar profilaktikasi, fuqarolar murojaatlari bilan ishlash, kadrlar va xizmat intizomini mustahkamlash borasidagi natijalar tahlil qilindi. Kiberjinoyatlarning oldini olish, aholini kiberfiribgarlikdan himoyalashda “APK qoʻriqchi” ilovasini keng targʻib etish masalalariga ham eʼtibor qaratildi.
Yoʻl qoʻyilgan kamchiliklar tanqidiy koʻrib chiqilib, ularni bartaraf etish, xizmat samaradorligini oshirish hamda belgilangan vazifalarning sifatli ijrosini taʼminlash yuzasidan masʼullarga aniq topshiriqlar berildi.