Surxondaryo viloyati IIB JXX Yoʻl harakati xavfsizligi xodimlari ishtirokida oʻquv mashgʻuloti oʻtkazildi
2024-09-26 10:05:00 / Yangiliklar
Surxondaryo viloyati IIB Maʼnaviy-maʼrifiy ishlar va kadrlar bilan taʼminlash xizmati Jismoniy va jangovar tayyorgarlik boʻlimi, Tashkiliy boshqarma Yuridik taʼminlash guruhi hamda Tibbiyot boʻlimi mutaxassis xodimlari tomonidan Oʻzbekiston Respublikasi Ichki ishlar vaziri oʻrinbosarining 2024-yil 14-sentyabr kunidagi tegishli farmoyishiga asosan Surxondaryo viloyati IIB Jamoat xavfsizligi xizmati Yoʻl harakati xavfsizligi boshqarmasi binosida, Yoʻl harakati xavfsizligi boshqarmasi xodimlari ishtirokida oʻquv mashgʻulotlari oʻtkazildi.
Oʻtkazilgan oʻquv mashgʻulotida xodimlarning jismoniy va jangovar shayligini oshirish, qonun va qonunosti hujjatlariga kiritilayotgan oʻzgartirish va qoʻshimchalar, idoraviy normativ hujjatlarning mazmun- mohiyati va yuritilish tartib qoidalari, jarohatlangan shaxslarga birinchi tibbiy yordam koʻrsatish yuzasidan bilim darajalari yanada oshirildi.
Surxondaryo viloyati IIB Axborot xizmati