Surxondaryo viloyati huquqni muhofaza qiluvchi organlar xodimlari va harbiy xizmatchilar oʻrtasida sportning “Qoʻl jangi” turi boʻyicha musobaqa oʻtkazildi
2026-10-01 09:00:00 / Yangiliklar
Oʻzbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashining kalendar rejasiga asosan, joriy yilning 28-29-sentyabr kunlari Termiz shahridagi viloyat IIB sport majmuasida Huquqni muhofaza qiluvchi organlar xodimlari va harbiy xizmatchilar oʻrtasida sportning “Qoʻl jangi” turi boʻyicha “Dinamo” JTSJ Surxondaryo viloyati Kengashi birinchiligi musobaqasi oʻtkazildi.
Sport musobaqasi murosasiz bahslarga boy boʻlib, unda Surxondaryo viloyati Ichki ishlar boshqarmasi, Favqulodda vaziyatlar boshqarmasi, Milliy gvardiya boshqarmasi, Davlat xavfsizlik xizmati Surxondaryo viloyati boshqarmasi, Bojxona boshqarmasi, IIV Jazoni ijro yetish departamentining 9-son Tergov hibsxonasi, “Termiz” xalqaro ayeroportida xavfsizlikni taʼminlash boʻyicha alohida batalʼon hamda DXX Chegara qoʻshinlari “Janub” OQning sohaviy xizmatlari, boʻlim va boʻlinmalari xodimlaridan iborat jami 12 ta terma jamoadan 8 ta vazn toifasida 50 nafar sportchi ishtirok yetdi.
Xalqaro toifadagi hakamlar tomonidan baholab borilgan ushbu nufuzli musobaqa natijalariga koʻra, 3-oʻrinni Surxondaryo viloyati Milliy gvardiya boshqarmasi terma jamoasi, 2-oʻrinni viloyat IIB Qoʻriqlash boshqarmasi terma jamoasi yegallagan boʻlsa, faxrli 1-oʻrinni Surxondaryo viloyati Ichki ishlar boshqarmasi TVBSO terma jamoasi qoʻlga kiritdi.
Gʻoliblar Oʻzbekiston Respublikasi IIV “Dinamo” JTSJ Surxondaryo viloyati Kengashi tomonidan diplom, medal, kubok va qimmatbaho yesdalik sovgʻalari bilan taqdirlandilar.
Surxondaryo viloyati IIB Axborot xizmati