Surxondaryo viloyati Ichki ishlar organlarida faoliyat yuritayotgan psixolog mutaxassisiga ega boʻlgan xodimlar oʻrtasida “Eng yaxshi psixolog” tanlovi oʻtkazildi
2026-09-26 11:05:00 / Yangiliklar
Oʻzbekiston Respublikasi Prezidentining “Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yoʻnaltirish boʻyicha qoʻshimcha chora-tadbirlar toʻgʻrisida” Qaroriga muvofiq Ichki ishlar organlarida psixologik taʼminlashning sifat jihatdan samaradorligini yanada oshirish hamda ushbu sohada faoliyat yuritayotgan psixologlar oʻrtasida sogʻlom raqobatni yaratish orqali yetuk mutaxassis psixolog kadrlar safini yanada kengaytirish hamda Oʻzbekiston Respublikasi Ichki ishlar vazirligining 2024-yil 1-fevral kunidagi “ichki ishlar organlarida “Eng yaxshi psixolog” tanlovini tashkil etish va oʻtkazish tartibi toʻgʻrisida”gi 57-son buyrugʻi ijrosini taʼminlash maqsadida, Surxondaryo viloyati Ichki ishlar organlarida faoliyat yuritayotgan psixolog mutaxassisiga ega boʻlgan xodimlar oʻrtasida “Eng yaxshi psixolog” tanlovi oʻtkazildi.
Dastlab, boshqarma MMI va KBTX MMIB PTG bosh psixologi tomonidan tanlov ishtirokchilarga mazkur tanlov qonun qoidalari tushuntirib oʻtildi. Tanlovning dastlabki bosqichi psixologiya sohasini rivojlantirishga qaratilgan faoliyatlari, targʻibot-tashviqot ishlari, trening, seminar, konferensiya va boshqa ommaviy tadbirlardagi ishtiroki hamda psixologiya kasbini yoritishga qaratilgan “Eng yaxshi psixolog” tashrif qogʻozi, videoroligi namoyishi, psixologiya sohasini rivojlantirishga qaratilgan gʻoya va uni amaliyotga joriy qilish istiqbollari va tanlov ishtirokchilarning bilim darajasini aniqlashga qaratilgan sinovlar asosida oʻtkazildi.
Murosasiz bahslarga boy oʻtgan tanlov natijalariga koʻra, faxrli 3-oʻrinni Bandixon tumani Ichki ishlar boʻlimi Jamoat xavfsizligi xizmati Huquqbuzarliklar profilaktikasi boʻlinmasi voyaga yetmaganlar va yoshlar bilan ishlash guruhi voyaga yetmaganlar masalalari boʻyicha inspektor-psixolog katta leytenant Aliboyev Jaloliddin Fayzulla oʻgʻli, faxrli 2-oʻrinni Termiz shahar Ichki ishlar boshqarmasi Jamoat xavfsizligi xizmati Huquqbuzarliklar profilaktikasi boʻlimi voyaga yetmaganlar va yoshlar bilan ishlash guruhi voyaga yetmaganlar masalalari boʻyicha inspektor-psixolog leytenant Xolmatov Jasurbek Anvar oʻgʻli egallagan boʻlsa, faxrli 1-oʻringa Oʻzbekiston Respublikasi Ichki ishlar vazirligi Surxondaryo Akademik litseyi psixologi Bekmuratova Xalima Maksatovna loyiq deb topildi.
Koʻrik-tanlov gʻolibligini qoʻlga kiritgan ishtirokchilar kelgusida tanlovning Respublika final bosqichiga qatnashish yoʻllanmasiga ega boʻlishdi.
Surxondaryo viloyati IIB Axborot xizmati