Maxsus tayyorgarlik oʻquv markaz xizmat itlari — Mustaqil davlatlar hamdoʻstligi chempioni
2024-09-23 16:40:00 / Yangiliklar
Oʻzbekiston Kinologiya federatsiyasi tomonidan 2024-yilning 20-22-sentyabr kunlari barcha zotga mansub itlarning “Mustaqil davlatlar hamdoʻstligi chempionati-2024” va “Oʻzbekiston chempionati” koʻrgazmalari tashkil etilib, unda, Rossiya, Belorussiya, Qozogʻiston, Tojikiston, Qirgʻiz Respublikalari va yurtimiz fuqarolari, barcha huquqni muhofaza qiluvchi organ va harbiy tuzilmalarga tegishli 750 dan ortiq itlarning zot standarti talablariga mosligi, eksteryer sifatlari va psixologik xulq-atvori Vengriya va Shveysariyadan taklif etilgan ekspertlar tomonidan baholab borildi.
Vazirlik Maxsus operatsiyalarni muvofiqlashtirish boshqarmasi Maxsus tayyorgarlik oʻquv markazi kinolog xodimlari oʻzlariga biriktirilgan 9 bosh xizmat itlari bilan koʻrgazmada muvafaqqiyatli ishtirok etishdi.
Jumladan, Sharqiy yevropa ovcharka zotli itlar oʻrtasida safdor D.K.Kurbanovga biriktirilgan “Germiona-Brenda” laqabli xizmat iti, Nemis ovcharka zotli itlar oʻrtasida safdor A.A.Batirbekovga biriktirilgan “Katrin” laqabli xizmat iti va Belgiya ovcharka zotli itlar oʻrtasida safdor Yu.A.Grechkinaga biriktirilgan “Gay” laqabli kuchuk bola zotlari oʻrtasida faxrli birinchi oʻrinlarni egalladi hamda “Best” (Eng zoʻrlar) yoʻnalishiga yoʻllanma oldi.
“Best” yoʻnalishida oʻz zotlari boʻyicha chempion boʻlgan 95 zotga mansub itlar oʻrtasida “Germiona-Brenda” laqabli xizmat iti faxrli 3-oʻrinni, kuchuk bolalari oʻrtasida “Gay” laqabli kuchuk bola barcha zotlar orasida faxrli 2-oʻrinni egalladi.
Koʻrgazma tashkilotchilari tomonidan gʻolib itlar egalari diplom va esdalik sovgʻalar bilan taqdirlandi.
IIV Maxsus operatsiyalarni muvofiqlashtirish boshqarmasi Maxsus tayyorgarlik oʻquv markazi