Surxondaryo viloyati IIB rahbariyati tomonidan Muzrabot va Jarqoʻrgʻon tumanlarida jinoyatchilikka qarshi kurashish hamda kriminogen vaziyatni yaxshilash borasidagi ishlar oʻrganildi
2026-09-24 11:20:00 / Yangiliklar
Surxondaryo viloyatida aholi tinchligi va osoyishtaligini taʼminlash, jinoyatchilik va huquqbuzarliklarning barvaqt oldini olish hamda har bir mahallada xavfsiz muhitni shakllantirishga qaratilgan manzilli ishlar izchil davom ettirilmoqda.
Surxondaryo viloyati IIB boshligʻi Baxtiyor Inoqov tomonidan hududlardagi kriminogen vaziyatni chuqur tahlil qilish, jinoyat va huquqbuzarliklarga sabab boʻlayotgan omillarni aniqlash va bartaraf etish, shuningdek, ichki ishlar organlari xodimlarining xizmat samaradorligini oshirish masalalariga alohida eʼtibor qaratilmoqda.
Navbatdagi oʻrganishlar Muzrabot va Jarqoʻrgʻon tumanlarida oʻtkazildi.
Oʻrganishlar davomida tuman IIB rahbarlarining Oʻzbekiston Respublikasi Prezidentining PQ-1 va PQ-2-son qarorlari ijrosini taʼminlash, “Chilonzor tajribasi” asosida mahallalarda xavfsiz muhit yaratish, jinoyatchilikning barvaqt oldini olish, yoʻl harakati xavfsizligini taʼminlash hamda kriminogen vaziyatni barqarorlashtirish borasida amalga oshirilayotgan ishlari tanqidiy-tahliliy ruhda koʻrib chiqildi.
Tuman IIB boshliqlarining oʻrinbosarlari va sohaviy xizmat rahbarlari ishtirokida oʻtkazilgan yigʻilishlarda har bir yoʻnalishdagi ishlar, erishilgan natijalar, mavjud muammolar va ularni bartaraf etish choralari muhokama qilindi.
Aniqlangan kamchiliklarni bartaraf etish, xizmat faoliyatini samarali tashkil qilish va belgilangan vazifalar ijrosini taʼminlash boʻyicha har bir holat yuzasidan aniq chora-tadbirlar belgilab olindi.
Oʻrganishlar doirasida mahallalarda xizmat olib borayotgan profilaktika inspektorlari bilan ham ochiq muloqot oʻtkazildi.
Unda xizmat hududlarida jinoyatlarni barvaqt aniqlash va oldini olish, profilaktik tadbirlarning natijadorligini oshirish, aholi bilan yaqin hamkorlikni yoʻlga qoʻyish hamda mavjud muammolarni mahallaning oʻzida hal etish masalalariga eʼtibor qaratildi.
Profilaktika inspektorlariga jinoyatchilikka sabab boʻlayotgan omillarni erta aniqlash, profilaktik ishlarni manzilli tashkil etish, aholi bilan samarali muloqotni kuchaytirish va xizmat faoliyati natijadorligini oshirish boʻyicha amaliy tavsiyalar berildi.
Yigʻilishlarda Muzrabot va Jarqoʻrgʻon tumanlarini jinoyatdan xoli hududga aylantirish, raqamlashtirish jarayonlarini jadallashtirish, yoʻl harakati xavfsizligini taʼminlash, probatsiya va ijtimoiy profilaktika tizimini takomillashtirish, kiberjinoyatchilikka qarshi kurashish samaradorligini oshirish, videokuzatuv tizimlarini kengaytirish hamda xonadon va obyektlarni Qoʻriqlash xizmatiga jalb etish masalalari muhokama qilindi.
Shuningdek, oilaviy-maishiy nizolar zamirida sodir etilishi mumkin boʻlgan huquqbuzarlik va jinoyatlarning barvaqt oldini olish, profilaktik hisobda turgan shaxslar bilan manzilli ishlash hamda ijtimoiy profilaktika choralarini kuchaytirish boʻyicha aniq vazifalar belgilab berildi.
Muzrabot tumanidagi sariq toifada turgan “Mehnatobod” mahallasi hududiga chiqilib, bu yerdagi kriminogen vaziyat, jinoyatlarni jilovlash, profilaktika ishlarining samaradorligi va mahalla “yettiligi” faoliyati atroflicha tahlil qilindi.
Muammolar joyida oʻrganilib, ularni bartaraf etish boʻyicha aniq choralar belgilab olindi.
Shuningdek, mahalla profilaktika inspektorining xizmat hududida jinoyatlarni barvaqt jilovlash borasidagi ishlari yuzasidan taqdimoti tinglandi.
Mahallada yaratilgan shart-sharoitlar, aholini qiynayotgan muammolar, xizmat hududidagi kriminogen vaziyat va profilaktik tadbirlarning natijadorligi yuzasidan ochiq muloqot oʻtkazilib, xodimlar faoliyatini yanada samarali tashkil etish boʻyicha amaliy tavsiyalar berildi.
Masʼul rahbarlarga belgilangan vazifalar ijrosini qatʼiy nazoratga olish, aniqlangan muammolarni oʻz vaqtida bartaraf etish va hududlarda kriminogen vaziyatni yanada sogʻlomlashtirish boʻyicha tizimli ishlarni kuchaytirish topshirildi.
Zero, xavfsiz hudud — bu avvalo, osoyishta mahalla, xotirjam oila va ertangi kunga ishonch demakdir.
Surxondaryo viloyatida aholi tinchligi va xavfsizligini taʼminlash, jinoyatchilik va huquqbuzarliklarning barvaqt oldini olish hamda har bir mahallada sogʻlom, osuda va xavfsiz muhitni qaror toptirishga qaratilgan manzilli oʻrganishlar viloyatning barcha shahar va tumanlarida izchil davom ettiriladi.
Surxondare viloyati IIB Axborot xizmati