Toshkent shahar IIBB Qoʻriqlash xizmatida amalga oshirilayotgan ishlar muhokama etildi
2026-09-17 13:40:00 / Yangiliklar
Toshkent shahar IIBB boshligʻi polkovnik Ravshan Sultanxodjayev hamda IIV Qoʻriqlash departamenti rahbariyati tomonidan Bosh boshqarma Qoʻriqlash xizmati faoliyatining chuqur tahliliga asoslangan tanqidiy yigʻilishi oʻtkazildi. Rahbar tomonidan xizmatning barcha yoʻnalishlari: obyektlarni, xonadonlarni qoʻriqlovga olish, qarzdorlikni undirish, maʼmuriy amaliyot, shaxsiy tarkib bilan ishlash va xizmatga aloqador boshqa sohalarni oʻrganish natijasida aniqlangan kamchiliklar tumanlar kesimida qayd etib oʻtildi.
Xususan, yangi obyektlarni jismoniy va texnik qoʻriqlovga olish, tadbirkorlik subyektlari va tashkilotlarga qoʻriqlash xizmatlarini taklif etish orqali yangi postlar tashkil qilish ishlarining tizimli tashkil etilmaganligi va kamchiliklarga yoʻl qoʻyilganligi, obyektlar ayniqsa, aholiga xizmat koʻrsatish taklifi mexanizmining sustligi, bu borada targʻibot ishlarining yetarli emasligi koʻrsatib oʻtildi.
Yigʻilish yakunida qayd etib oʻtilgan kamchiliklarni bartaraf etish, xizmatga biriktirilgan har bir tuman IIO FMB rahbarlari hamda bevosita soha rahbarlarining shaxsiy javobgarligini oshirish, tegishli chora-tadbirlar rejasini ishlab chiqish va qatʼiy nazoratga olish boʻyicha aniq topshiriqlar berildi.
Toshkent shahar IIBB Axborot xizmati