Fargʻona viloyati IIB rahbariyati ishtirokida jamoat xavfsizligini taʼminlashning yangi tizimi mazmun-mohiyati muhokama qilindi
2026-09-16 10:00:00 / Yangiliklar
Fargʻona viloyat IIB boshligʻi polkovnik Ayubxon Rahmatullayev ishtirokida Prezidentimizning 2026-yil 4-sentyabr kuni qabul qilingan “Ichki ishlar organlarida jamoat xavfsizligini taʼminlash faoliyatiga yangicha ishlash tizimini joriy etish chora-tadbirlari toʻgʻrisida”gi 314-sonli qarori mazmun-mohiyatini oʻrganishga qaratilgan tadbir oʻtkazildi.
Tadbirda xodimlarga qarorda belgilangan yangi yoʻnalishlar, yaratilgan imkoniyatlar va sohadagi vazifalar atroflicha tushuntirildi.
Yangi tizimni amaliyotga samarali joriy etish, jamoat xavfsizligini taʼminlashda masʼuliyat va tashabbuskorlikni oshirishga alohida eʼtibor qaratildi.
Shuningdek, xizmat intizomi va qonuniylikni taʼminlash kamchiliklarni bartaraf etish, xizmat faoliyati samaradorligini yanada oshirish yuzasidan tegishli vazifalar belgilab berildi.
Tadbir yakunida yuqori natijalarga erishgan hamda hamkasblariga oʻrnak boʻlgan xodimlar taqdirlandi.
Fargʻona viloyati IIB Axborot xizmati