Qashqadaryo viloyati IIB rahbariyati tomonidan Qarshi tumanidagi “qizil” toifadagi mahallalarda kriminogen vaziyat oʻrganildi
2026-09-12 10:00:00 / Yangiliklar
Qashqadaryo viloyati IIB boshligʻi, polkovnik Abduvoxid Ismoilov boshchiligida Qarshi tumanidagi kriminogen vaziyati murakkab, xususan, “qizil” toifaga kiritilgan mahallalardagi holat atroflicha oʻrganildi.
Oʻrganishlar davomida hududdagi mavjud muammolar, jinoyat va huquqbuzarliklarning kelib chiqishiga taʼsir etuvchi omillar hamda profilaktik ishlarning samaradorligi tahlil qilinib, masʼullarga tegishli yoʻriqnoma va topshiriqlar berildi.
Xususan, “Batosh” mahallasida soha masʼullari bilan uchrashuv oʻtkazilib, jinoyatchilik va huquqbuzarliklarning oldini olish, kechki va tungi vaqtlarda nazoratni kuchaytirish, fuqarolar murojaatlari bilan manzilli ishlash hamda hududdagi muammolarni oʻz vaqtida aniqlab, bartaraf etish masalalariga alohida eʼtibor qaratildi.
Shuningdek, mahallalarda olib borilayotgan profilaktik ishlarning samaradorligi “Alisher Navoiy” mahallasi misolida atroflicha tahlil qilindi.
Hududdagi jinoyatchilik holati, oilaviy va ijtimoiy muhit, ishsizlik, ehtiyojmand oilalar hamda turli xavf guruhlariga kiruvchi shaxslar bilan olib borilayotgan ishlar oʻrganildi.
Tahlillar davomida hududdagi mavjud muammolarni bartaraf etish, fuqarolar bilan manzilli ishlash, oilaviy muhitni yaxshilash, xavf guruhiga kiruvchi shaxslar bilan individual profilaktik tadbirlarni kuchaytirish zarurligi qayd etildi.
Shuningdek, mahallada xavfsizlikni taʼminlash bilan bir qatorda, hududning infratuzilmasi, obodonlashtirish va fuqarolar uchun zarur shart-sharoitlar bilan bogʻliq masalalar ham oʻrganildi.
Oʻrganish yakunlari boʻyicha masʼullarga har bir muammoni manzilli oʻrganish, profilaktika inspektorlari va mahalla faollari hamkorligini yanada kuchaytirish, xavf guruhidagi shaxslar bilan individual ishlashni tizimli yoʻlga qoʻyish hamda hududda xavfsiz muhitni taʼminlash yuzasidan tegishli topshiriqlar berildi.
Qashqadaryo viloyati IIB Axborot xizmati