Maʼnaviy-maʼrifiy ishlar va kadrlar bilan taʼminlash boʻlinmalari faoliyati tanqidiy-tahliliy muhokama qilindi
2026-09-11 18:50:00 / Yangiliklar
Ichki ishlar vaziri oʻrinbosari, polkovnik Diyorbek Sattarov huzurida maʼnaviy-maʼrifiy ishlar va kadrlar bilan taʼminlash yoʻnalishida joriy yilning oʻtgan 8 oyi davomida amalga oshirilgan ishlar, mavjud muammo va kamchiliklar hamda kelgusidagi ustuvor vazifalar muhokama qilindi.
Yigʻilishda masʼul rahbarlarning axborotlari tinglanib, kadrlarni tanlash va joy-joyiga qoʻyish, xodimlarning kasbiy tayyorgarligi, xizmat va ijro intizomi, sogʻlom maʼnaviy-ruhiy muhitni taʼminlash hamda yosh xodimlar bilan manzilli ishlash holati tanqidiy-tahliliy koʻrib chiqildi.
Shuningdek, xizmat intizomi va qonuniylik bilan bogʻliq salbiy holatlarning sabablari tahlil qilinib, ularning oldini olish, aniqlangan kamchiliklarni bartaraf etish hamda kelgusida takrorlanishiga yoʻl qoʻymaslik boʻyicha aniq vazifalar belgilandi.
Shu bilan birga, taʼlim muassasalarida oʻquvchilarning bilim va kasbiy salohiyatini oshirish, tibbiyot yoʻnalishida esa xodimlar salomatligini muhofaza qilish hamda ularga sifatli tibbiy xizmat koʻrsatish masalalariga alohida eʼtibor qaratildi.
Yigʻilish yakunida rahbarlarning shaxsiy masʼuliyatini oshirish, nazorat va talabchanlikni kuchaytirish, belgilangan vazifalar ijrosini oʻz vaqtida va sifatli taʼminlash yuzasidan tegishli topshiriqlar berildi.