Ichki ishlar vazirligining tegishli buyrugʻiga asosan Surxondaryoda “Eng yaxshi maʼnaviy-maʼrifiy ishlar targʻibotchisi” aniqlandi
2026-09-06 10:00:00 / Yangiliklar
Oʻzbekiston Respublikasi Prezidentining 2023-yil 20-yanvardagi “Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yoʻnaltirish boʻyicha qoʻshimcha chora-tadbirlar toʻgʻrisida”gi qarori, Oʻzbekiston Respublikasi vazirlar Mahkamasining 2021-yil 24-avgustdagi “Ichki ishlar organlarida eng yaxshi xodimlarni aniqlash boʻyicha respublika tanlovini tashkil etish chora-tadbirlari toʻgʻrisidagi qarori hamda Oʻzbekiston Respublikasi IIVning 2026-yil 29-iyul kuni oʻtkazilgan 127-sonli yigʻilish bayoniga muvofiq Surxondaryo viloyati ichki ishlar boshqarmasining sohaviy xizmat va shahar-tumani IIB boshliqlarining maʼnaviy-maʼrifiy ishlar boʻyicha oʻrinbosarlari oʻrtasida “Eng yaxshi maʼnaviy-maʼrifiy ishlar targʻibotchisi” tanlovining viloyat bosqichi oʻtkazildi.
Mazkur tanlovda ishtirokchilar jami oltita shart boʻyicha, amalga oshirilgan ishlari, test va savollar, ogʻzaki suhbat jismoniy va jangovar tayyorgarlik darajasi boʻyicha oʻtgan tanlovning yakuniy natijasiga koʻra, Sariosiyo tumani IIB boshligʻining maʼnaviy-maʼrifiy ishlar boʻyicha oʻrinbosari mayor Farxod Maxmudov uchinchi, Uzun tumani IIB boshligʻining maʼnaviy-maʼrifiy ishlar boʻyicha oʻrinbosari tayyor Abror Soxibov ikkinchi oʻringa loyiq topildi.
Viloyat IIB jamoat xavfsizligi xizmati jamoat tartibini saqlash boshqarmasi patrul-post xizmati bataloni komandirining maʼnaviy-maʼrifiy ishlar boʻyicha oʻrinbosari podpolkovnik Otabek Narkabilov esa faxrli 1-oʻrinni egallab, tanlovning respublika bosqiga yoʻllanma oldi.
Gʻolib va sovrindor boʻlgan xodimlar diplom va qimmatbaho sovgʻalari bilan taqdirlandilar.
Surxondaryo viloyati IIB Axborot xizmati