Sirdaryo viloyati IIB rahbariyati tomonidan tizimdagi boʻlinmalarda xizmat faoliyati, xodimlar uchun yaratilgan shart-sharoitlar hamda aholiga koʻrsatilayotgan xizmatlar sifati oʻrganildi
2026-08-28 18:10:00 / Yangiliklar
Sirdaryo viloyati Ichki ishlar boshqarmasi boshligʻi, polkovnik Sardor Mirzoraimov boshqarma tizimidagi bir qator boʻlinmalarda boʻlib, xodimlarning xizmat faoliyati, ular uchun yaratilgan shart-sharoitlar hamda aholiga koʻrsatilayotgan xizmatlar sifatini oʻrgandi.
Oʻrganishlar avvalo migratsiya va personallashtirish boshqarmasida olib borildi. Maskanda fuqarolarga davlat xizmatlarini koʻrsatish jarayonlari, xodimlarning ish faoliyati va fuqarolar murojaatlari bilan ishlash holati koʻzdan kechirildi.
Shundan soʻng voyaga yetmaganlarga ijtimoiy-huquqiy yordam koʻrsatish markazi faoliyati oʻrganildi. Ushbu manzilda voyaga yetmaganlar bilan olib borilayotgan ijtimoiy-huquqiy va tarbiyaviy ishlar, ularning taʼlim olishi uchun yaratilgan sharoitlar, oʻquv xonalari hamda yotoqxonalarning holati bilan yaqindan tanishildi.
Shuningdek, boshqarma tasarrufidagi “Qaldirgʻoch” nomli maktabgacha taʼlim tashkilotida ham oʻrganish olib borilib, tarbiyalanuvchilar uchun yaratilgan sharoitlar, taʼlim-tarbiya jarayonlari hamda muassasaning mavjud imkoniyatlari koʻzdan kechirildi.
Oʻrganishlar viloyat Ichki ishlar boshqarmasi davolash-profilaktika muassasalari tibbiyot boʻlimida ham davom yetdi. Bu yerda xodimlarga tibbiy xizmat koʻrsatish, davolash va profilaktika tadbirlarini tashkil yetish, mavjud tibbiy sharoitlar hamda muassasaning moddiy-texnik bazasi nazoratdan oʻtkazildi.
Shuningdek, viloyat Ichki ishlar boshqarmasi moliyaviy taʼminot xizmati faoliyati ham oʻrganilib, xizmatning ish jarayonlari, moddiy-texnik taʼminot, mavjud resurslardan samarali foydalanish hamda tizimdagi boʻlinmalarning zarur vositalar bilan taʼminlanganlik holati koʻrib chiqildi.
Yakunda masʼul rahbarlarga xodimlar uchun yaratilgan xizmat sharoitlarini yanada yaxshilash, xizmat intizomi va masʼuliyatini kuchaytirish, fuqarolarga koʻrsatilayotgan davlat xizmatlari sifati va samaradorligini oshirish, shuningdek, aniqlangan kamchiliklarni qisqa muddatlarda bartaraf yetish yuzasidan tegishli topshiriq va koʻrsatmalar berildi.
Sirdaryo viloyati IIB Axborot xizmati