Toshkent viloyatida fuqarolikka qabul qilingan shaxslarga ID kartalari tantanali tarzda topshirildi
2026-08-27 09:00:00 / Yangiliklar
Oʻzbekiston Respublikasi Mustaqilligining 35-yilligi munosabati bilan Toshkent viloyati hokimligida Oʻzbekiston Respublikasi Prezidenti Farmoni asosida Oʻzbekiston Respublikasi fuqaroligiga qabul qilingan shaxslarga pasportlarni tantanali topshirish marosimi boʻlib oʻtdi.
Tadbirda Toshkent viloyati hokimi Zoir Mirzayev, viloyat IIBB boshligʻi, polkovnik Abduvosit Abdurazakov hamda keng jamoatchilik vakillari ishtirok etdilar.
Soʻzga chiqqan viloyat hokimi Zoir Mirzayev, davlatimiz rahbarining fuqarolikka qabul qilish borasidagi islohotlari jamiyatda adolat, tenglik va inson huquqlarini taʼminlashga qaratilganini taʼkidladi. Shuningdek, bunday tashabbuslar mamlakatimizda ijtimoiy barqarorlik va farovonlikni mustahkamlashda muhim ahamiyat kasb etishi qayd etildi.
Marosim davomida Prezident Farmoni asosida Oʻzbekiston Respublikasi fuqaroligiga qabul qilingan 48 nafar shaxsga pasportlar tantanali ravishda topshirildi.
Tadbir yakunida fuqarolarga ezgu tilaklar bildirilib, yurtimiz ravnaqi va taraqqiyotiga munosib hissa qoʻshish, jamiyat hayotida faol ishtirok etish istagi bildirildi.
Toshkent viloyati IIBB Axborot xizmati