Jizzax viloyati Qoʻriqlash xizmati tomonidan ezgu va xayrli tadbirlar oʻtkazildi
2026-08-26 06:50:00 / Yangiliklar
Jizzax viloyati Qoʻriqlash xizmati tomonidan Oʻzbekiston Respublikasi Davlat Mustaqilligining 35-yilligi munosabati bilan “Yagona vatan, yagona xalq boʻlib, yangi hayot va kelajak yaratamiz!” shiori ostida ezgu va xayrli tadbirlar oʻtkazildi.
Xizmat burchini bajarish chogʻida halok boʻlgan xodimlarning farzandlariga oʻquv qurollari va esdalik sovgʻalari topshirilib, ularning kayfiyati koʻtarildi, mehr va eʼtiborga muhtoj emasligi yana bir bor his ettirildi. Shuningdek, Qoʻriqlash xizmatida uzoq yillar davomida fidokorona xizmat qilib, nafaqaga chiqqan faxriy xodimlarning holidan xabar olinib, ularga chuqur hurmat va minnatdorlik ramzi sifatida Tashakkurnomalar topshirildi. Samimiy suhbatlar davomida faxriylarning boy tajribasi va sohadagi koʻp yillik mehnati alohida eʼtirof etildi.
Bunday ezgu tadbirlar Vatan tinchligi va xalq osoyishtaligi yoʻlida xizmat qilgan insonlarni qadrlash, ularning farzandlariga gʻamxoʻrlik koʻrsatish hamda avlodlar oʻrtasidagi mehr-oqibat va hurmatni yanada mustahkamlashga xizmat qiladi.