O‘zbеkiston Rеspublikаsi Ichki ishlаr vаzirligi

Oʻzbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashining 2026-yil kalendar rejasiga asosan joriy yilning 23-24-avgust kunlari Termiz shahridagi Termiz davlat universiteti sport zalida sportning “Voleybol” turi boʻyicha Surxondaryo viloyati Huquqni muhofaza qiluvchi organlarida xizmat oʻtayotgan xodimlar va harbiy xizmatchilar oʻrtasida viloyat “Dinamo” JTSJ Surxondaryo viloyat raisi kubogi musobaqasi oʻtkazildi.

Sport musobaqasi murosasiz bahslarga boy boʻlib, Surxondaryo viloyati Ichki ishlar boshqarmasi, Surxondaryo viloyati Favqulodda vaziyatlar boshqarmasi, Oʻzbekiston Respublikasi Milliy gvardiyasi Surxondaryo viloyati boʻyicha boshqarmasi, Oʻzbekiston Respublikasi Davlat xavfsizlik xizmati Surxondaryo viloyati boshqarmasi, Surxondaryo viloyati Bojxona boshqarmasi, Oʻzbekiston Respublikasi IIV Jazoni ijro etish Departamenti toʻrtinchi mintaqaviy-hudud 9-son Tergov hibsxonasi, “Termiz” xalqaro aeroportida xavfsizlikni taʼminlash boʻyicha alohida batalyoni, Surxondaryo viloyati DXX chegara qoʻshinlari “Janub” okrug qoʻmondonligining sohaviy xizmatlari, boʻlim va boʻlinmalari xodimlaridan iborat jami 12 ta terma jamoadan 88 nafar sportchilar qatnashdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga koʻra 1 oʻrinni viloyat DXX, 2 oʻrinni viloyat IIB 3 oʻrinni viloyat FVB terma jamoalari qoʻlga kiritishdi.

Gʻoliblar Oʻzbekiston Respublikasi IIV “Dinamo” JTSJ Surxondaryo viloyati Kengashi tomonidan diplom, medal, kubok va qimmatbaho esdalik sovgʻalari bilan taqdirlandilar.

Shu oʻrinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYUDO”, “Qoʻl jang”, “Triatlon”, “Futbol” , “Yunon-Rum kurashi”, “Kombat aykido” “Voleybol” toʻgaraklarida hozirgi kunda jami 407 nafar oʻsmirlar muntazam shugʻullanishib respublika va xalqaro musobaqalarda munosib oʻrinlarni egallashmoqda.

Surxondaryo viloyati IIB Axborot xizmati