Namangan viloyati Toʻraqoʻrgʻon tumanida fuqarolarning murojaatlari oʻrganildi
2026-08-23 11:45:00 / Yangiliklar
Fuqarolarning muammolarini oʻrganish va ularga qonuniy yechim topish maqsadida Namangan viloyati hokimi Shavkatjon Abdurazzoqovning navbatdagi qabuli Toʻraqoʻrgʻon tumani Madaniyat markazi binosida oʻtkazildi.
Qabulda huquqni muhofaza qiluvchi idoralar rahbarlari hamda tegishli tashkilotlar masʼullari ishtirok etdi. Dastlab, Oʻzbekiston Respublikasi Prezidenti nomiga murojaat qilgan fuqarolarning arizalari atroflicha koʻrib chiqildi.
Shuningdek, viloyat hokimi qabulini soʻrab kelgan fuqarolarning moddiy yordam, turar joy, kadastr, kredit, sud-huquq va boshqa masalalarga doir murojaatlari tinglandi.
Qabul davomida viloyatning turli hududlaridan kelgan qirq nafardan ziyod fuqaroning murojaati oʻrganildi.
Qabulga kelish imkoniga ega boʻlmagan besh nafar fuqaroning murojaati onlayn tarzda koʻrib chiqildi.
Har bir murojaat yuzasidan qonuniy yechim topish va amaliy yordam koʻrsatish boʻyicha masʼul tashkilotlar mutasaddilariga tegishli topshiriqlar berildi. Ayrim fuqarolarga esa huquqiy tushuntirishlar berildi.
Namangan viloyati IIB Axborot xizmati