IIV Kiberjinoyatlarga qarshi kurashish departamenti tomonidan navbatdagi oʻquv yigʻini oʻtkazildi
2026-08-21 10:20:00 / Yangiliklar
Mashgʻulotlar tergovchi va tezkor xodimlarning kiberjinoyatlarni aniqlash, fosh etish hamda tergov qilish boʻyicha kasbiy salohiyatlarini oshirish, amaliyotga ilgʻor yondashuvlarni tatbiq qilish maqsadida tashkil etildi.
Oʻquv yigʻini davomida soha mutaxassislari tomonidan kiberjinoyatlarga qarshi kurashishning huquqiy asoslari, ushbu turdagi jinoyatlarni fosh etishga qaratilgan tezkor-qidiruv tadbirlari, onlayn narkodoʻkonlar va narkolaboratoriyalarni aniqlash, internet firibgarligi, fishing va bank kartalari bilan bogʻliq jinoyatlarga qarshi kurashish, kiberjinoyatlarni tergov qilish, zamonaviy axborot tizimlari va dasturlarning imkoniyatlari hamda boshqa dolzarb mavzular atroflicha yoritildi.
Shuningdek, tinglovchilar Kiberjinoyatlarga qarshi kurashish departamentida boʻlib, amaliyotda qoʻllanilayotgan axborot tizimlari, maʼlumotlar bazalari va tahliliy platformalar, maxsus texnik vositalar bilan yaqindan tanishdilar.
IIV Kiberjinoyatlarga qarshi kurashish departamenti