Navoiy viloyati IIBda “Axborot xavfsizligi va media-savodxonlik” mavzusida oʻquv seminari tashkil etildi
2026-08-18 21:05:00 / Yangiliklar
Navoiy viloyati IIB xodimlarining zamonaviy texnika va innovatsion texnologiyalardan foydalanishdagi bilim va koʻnikmalarini oshirish maqsadida muntazam ravishda uchrashuvlar oʻtkazilib borilmoqda. Xususan, navbatdagi uchrashuv seminar shaklida tashkil etilib unda mutaxassis xodimlar tomonidan “Axborot xavfsizligi va media-savodxonlik” mavzusi yoritildi. Mavzu doirasida yigʻilganlarga media olamidagi yangiliklar, shuningdek, ularning sohadagi oʻrni boʻyicha zarur maʼlumotlar yetkazildi. Bundan tashqari uchrashuvda faxriy ustozlar ham ishtirok etib, yoshlarni qoʻllab-quvvatlash, yaratilgan imkoniyatlardan samarali foydalanish lozimligi haqida taʼkidladi.
Jarayonda bir guruh faxriylar jamoat tartibini saqlash, tinchlik osoyishtalikni taʼminlashga, shuningdek yosh-avlodni Vatanga sadoqat ruhida tarbiyalashda qoʻshgan hissasi uchun vazirlik va ijodiy uyushmalarning koʻkrak nishonlari va faxriy yorliqlari bilan taqdirlandi.
Navoiy viloyati IIB axborot xizmati