Fuqarolar murojaatlari eʼtiborda: Guliston shahrida navbatdagi sayyor qabul oʻtkazildi
2026-08-15 16:10:00 / Yangiliklar
Guliston shahar “Taraqqiyot” mahallasida Sirdaryo viloyati ichki ishlar boshqarmasi boshligʻi, polkovnik Farrux Xaydarov tomonidan fuqarolar murojaatlariga bagʻishlangan navbatdagi sayyor qabul oʻtkazildi.
Qabul davomida fuqarolar tomonidan hududdagi chiqindi muammosi, pul mablagʻlarini undirib berish, obodonlashtirish va boshqa ijtimoiy-maishiy masalalar amaliy yordam soʻraldi.
Roʻyxatga olingan 12 ta murojaat tegishli mutasaddilar bilan birgalikda atroflicha oʻrganilib, qonunchilik talablaridan kelib chiqqan holda zarur choralar belgilandi.
Qoʻshimcha oʻrganish talab etadigan murojaatlar boʻyicha fuqarolarga huquqiy tushuntirishlar berilib, ularning ijrosi alohida nazoratga olindi.
Fuqarolar murojaatlarini oʻz vaqtida koʻrib chiqish va muammolariga tezkor amaliy yechim topishga qaratilgan bunday sayyor qabullar hududlarda davom etmoqda.
Sirdaryo viloyati IIB Axborot xizmati