IIV Hayʼat yigʻilishida berilgan topshiriqlar ijrosini taʼminlash maqsadida Fargʻona va Qoʻqon shaharlarida uchrashuvlar oʻtkazildi
2026-08-15 14:30:00 / Yangiliklar
Ichki ishlar vazirligi Komplayens xizmati masʼul xodimi hamda viloyat IIB rahbariyati ishtirokida oʻtkazilgan tadbirda xizmat intizomi va qonuniylikni mustahkamlash, soha xodimlari oʻrtasida turli salbiy illatlarning oldini olish masalalari muhokama qilindi.
Sohaviy xizmat rahbarlari, shahar-tuman IIB boshliqlari, tegishli mutasaddi rahbarlar va masʼul xodimlar ishtirokida oʻtkazilgan yigʻilishda Ichki ishlar organlari xodimlarining kasbiy madaniyat va xizmat intizomi kodeksiga amal qilish, fuqarolar bilan xushmuomala boʻlish, tamagirlik, ichkilikbozlik kabi turli salbiy odatlarga berilmaslik, kasbga sadoqat, ustozlar hurmati kabi tushunchalar haqida soʻz yuritildi.
Shaxsiy tarkib oʻrtasida ijtimoiy-maʼnaviy muhitni yanada yaxshilash boʻyicha rahbarlarga aniq vazifalar belgilab berildi.
Fargʻona viloyati IIB Axborot xizmati