“Halollik — xodim shaʼni, xizmat intizomi — uning kafolati” mavzusida Navoiy viloyati IIB xodimlari ishtirokida profilaktik uchrashuv oʻtkazildi
2026-08-15 13:40:00 / Yangiliklar
“Komplayens va maʼnaviy madaniyat oyligi” doirasida Navoiy viloyati IIB xodimlari ishtirokida “Halollik — xodim shaʼni, xizmat intizomi — uning kafolati” mavzusida profilaktik uchrashuv oʻtkazildi. Ichki ishlar vazirligi Shaxsiy xavfsizlik bosh boshqarmasi masʼul xodimlari hamda viloyat Ichki ishlar boshqarmasi boshligʻi ishtirok etgan mazkur uchrashuvda asosiy eʼtibor xizmat intizomi, qonunchilikka amal qilish hamda halollik masalalariga qaratildi. Soʻz olganlar keyingi vaqtlarda tizim xodimlari tomonidan sodir etilayotgan salbiy xatti-harakatlarga alohida toʻxtalib oʻtdi. Jamoada sogʻlom maʼnaviy-ruhiy muhitni saqlash, har bir xodimning xizmat obroʻsiga masʼuliyat bilan yondashishi muhimligi taʼkidlandi.
Shuningdek, shaxsiy tarkibga kasbiy odob-axloq meʼyorlariga qatʼiy rioya qilish, oʻz xatti-harakatlarini maʼnan boshqarish hamda xizmat yoʻriqnomasi talablarini soʻzsiz bajarish lozimligi uqtirildi. Uchrashuv davomida xodimlarning ijtimoiy-moddiy muammolari ham oʻrganildi. Ularni har tomonlama qoʻllab-quvvatlash va amaliy koʻmaklashish yuzasidan chora-tadbirlar belgilanib, masʼullarga tegishli topshiriqlar berildi.
Navoiy viloyati IIB axborot xizmati