Jizzax viloyatida jamoat xavfsizligini taʼminlash, hududlarni obodonlashtirish va aholi uchun munosib sharoitlar yaratish borasida amalga oshirilayotgan ishlar oʻrganildi
2026-08-15 11:50:00 / Yangiliklar
Xususan, Sharof Rashidov tumani Toqchilik mahallasida barpo etilayotgan huquq-tartibot maskani hamda mahalla fuqarolar yigʻini binosining qurilish jarayoni koʻzdan kechirilib, obyektlarni belgilangan muddatlarda va sifatli yakunlash boʻyicha masʼullarga tegishli topshiriqlar berildi. Mazkur maskan profilaktik ishlarni manzilli tashkil etish, huquqbuzarliklarning barvaqt oldini olish va aholi murojaatlari bilan ishlash samaradorligini oshirishga xizmat qilishi taʼkidlandi.
Shuningdek, Doʻstlik tumani markazidagi istirohat maydonida bayram tadbirlariga tayyorgarlik va xavfsizlik choralari oʻrganilib, aholi, ayniqsa, bolalar va keksalarning xavfsiz harakatlanishi, piyodalar yoʻlaklari, gavjum joylar, harakatlanish yoʻnalishlari hamda hududning tungi yoritilishi holatiga baho berildi.
Arnasoy tumanida esa obodonlashtirish, koʻkalamzorlashtirish va infratuzilmani yaxshilash, jumladan, “Boʻston” mahallasidagi bunyodkorlik ishlarining borishi koʻzdan kechirildi. Loyihalar ijrosi, ichki yoʻllar va infratuzilmani yaxshilash, aholi uchun qulay yashash sharoitlarini yaratish ishlari oʻrganilib, aniqlangan kamchiliklarni bartaraf etish hamda belgilangan vazifalarni sifatli va oʻz vaqtida bajarish yuzasidan masʼullarga tegishli koʻrsatma va tavsiyalar berildi.
Jizzax viloyati IIB Axborot xizmati