O‘zbеkiston Rеspublikаsi Ichki ishlаr vаzirligi

Ichki ishlar organlarida xizmat intizomi va qonuniylikni taʼminlash, xodimlar tomonidan qonunbuzilish holatlarining oldini olish, ularga nisbatan murosasiz munosabatni shakllantirish hamda xizmat vazifalarini sidqidildan va masʼuliyat bilan bajarishni taʼminlash tizim faoliyatining ustuvor yoʻnalishlaridan biri hisoblanadi.

Andijon viloyati ichki ishlar organlarida ham bu borada tizimli profilaktik ishlar amalga oshirilib, xizmat intizomi va qonuniylik holati muntazam tahlil qilib borilmoqda.

Shu maqsadda Andijon viloyati IIB boshligʻi hamda Oʻzbekiston Respublikasi Ichki ishlar vazirligi Komplayens xizmati, shuningdek, Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti masʼul xodimlari ishtirokida yigʻilish oʻtkazildi.

Unda Andijon viloyati IIB hamda hududiy ichki ishlar organlarida xizmat intizomi va qonuniylikni taʼminlash borasida amalga oshirilayotgan ishlar, mavjud holat va yoʻl qoʻyilayotgan kamchiliklar atroflicha muhokama qilindi.

Yigʻilishda, avvalo, xodimlar tomonidan xizmat intizomi va qonun talablariga rioya etilishini taʼminlash, salbiy holatlarning kelib chiqish sabablarini chuqur tahlil qilish hamda ularni barvaqt bartaraf etish masalalariga alohida eʼtibor qaratildi.

Shuningdek, xizmat intizomi bilan bogʻliq har qanday qonunbuzilish holatiga yoʻl qoʻymaslik, xodimlar oʻrtasida huquqiy va kasbiy madaniyatni yuksaltirish, profilaktik tadbirlarni kuchaytirish, rahbarlarning qoʻl ostidagi xodimlar bilan ishlashda shaxsiy masʼuliyatini yanada oshirish zarurligi taʼkidlandi.

Yigʻilish yakunida aniqlangan kamchiliklarni bartaraf etish, xizmat intizomi va qonuniylikni mustahkamlash, xodimlar tomonidan xizmat vazifalarini vijdonan bajarishini taʼminlash hamda kelgusida qonunbuzilish holatlarining oldini olishga qaratilgan ustuvor vazifalar belgilab berildi.

Andijon viloyati IIB Axborot xizmati